Nókis 2021 Tema: Yarım ótkizgishli fotoqarsılıqlar temasın ótiwde informaciya texnologiyaların qollaw Reje

Kurs jumısınıń aktuallılıǵı : Yarım ótkizgishli fotoqarsılıqlar quramalı process bolıp onıń túsinikli bolıwın támiynlewde zamanagóy pedagogikalıq texnologiya hám interaktiv metodlardan paydalanıw házirgi kún tálim beriw procesiniń aktual mashqalası esaplanadı.Sońǵı jıllarda túrli aralaspanıń ótkiziwsheńlikke iye bolǵan zatlar, strukturalar hám yarımótkizgishlerdiń elektr qásiyetleri tiykarınan, fotoqarsılıqlar temasına ayrıqsha itibar berilmekte. Buǵan sebep zamanagóy yarımótkizgishli qurılmalar hám telekommunikaciya sistimalarına bolǵan mútájlik . Sonday-aq, usı izleniwler áhmiyetli ilmiy áhmiyetke de iye bolıp tártiplenbegenn krisstallardı qayta tártipleniwi menen baylanıslı jańa sıpat qásiyetlerinde úyreniw imkaniyatın beredi.
Joqarıda keltirilgen dáliller denelerdiń ótkiziwsheńligin túrli fizikalıq shárt sharayatlar hám sırtqı maydan tásirindegi qásiyetlerin úyreniw áhmiyetli ilmiy hám ámeliy áhmiyetke iye ekenligin kórsetedi .
Kurs jumısınıń maqseti : Joqarı oqıw orınlarında Fizika oqıtıw metodikası pánin oqıtıwda zamanagóy oqıtıw usılları interaktiv usıllar, innovciyalıq texnologiyalar ornı hám áhmiyeti kútá úlken bolıp tabıladı. Pedagogikalıq texnologiya hám olardıń tálimde qollanılıwına tiyisli bilimler, tájiriybe studentlerdi bilimli hám jetik ilmiy tájriybege iyelewlerin támiyinleydi. Innovciyalıq texnologiyalar pedagogikalıq process hám de oqıtıwshı hám student iskerligine jańalıq, ózgerisler kirgiziw bolıp onı ámelge asırıwda tiykarınan interaktiv usıllardan paydalanıladı .
Kurs jumısınıń wazıypası : Studentlerdi kún sayın asıp baratırǵan informaciya - tálim ortalıǵı sharayatında ǵárezsiz túrde iskerlik kórsete alıwǵa informaciya aǵımınan aqılǵa say paydalanıwǵa úyretiwden ibarat esaplanadı. Onıń ushın olarǵa úzliksiz túrde ózbetinshe islew múmkinshiligi hám sharayatın jaratıp beriw zárúr.
Kurs jumısınıń ámeliy áhmiyeti : Bul temanı oqıtıwda, zerikerli sabaqlar ornına sabaqlardı shólkemlestiriwge juwapkershilik menen jandasatúǵın, kásiplik bilgir, metodikalıq uqıpǵa iye, juwapkerli, zamanagóy, interaktiv pedagogikalıq texnologiyanı jetilisken ózlestirip alǵan, innovatsiyalar tiykarında tálimdi payda ete alatuǵın oqıtıwshılarǵa talap asıp barıp atır. Tálimde materiallıq baza, standart, oqıw jobalar, programma hám sabaqlıqlar qanshellilik rawajlanıwdırılmasın, kútilgen tiykarǵı nátiyjege erisiw, tereń hám puqta bilim beriw, joqarı sapadaǵı ózlestiriwge erisiw tikkeley teoriyalıq hám ámeliy shınıǵıwlardı alıp baratuǵın oqıtıwshınıń dóretiwshiligi, izleniwshiligi, ilmiy tájriybesine pedagogikalıq uqıpına baylanislı bolıp qalaberedi.
Temanı oqıtıwdaǵı qıyınshılıq hám túsinbewshiliklerdi saplastırıw ushın beriletuǵın maǵlıwmatlar baslanǵısh bolsada olardı hár qıylı turmıslıq hám kúndelik turmısımızda kóplep ushraytuǵın mısallar menen túsindiriw maqsetke muwapıq boladı.