Normamatova ijtimoiy ish nazariyasi

Freydizm – jamiyatni tushuntirishda Z.Freydning psixologik ta’limotidan foydalanishga intiluvchi turli-tuman yo‘nalishlarning umumiy nomi.
Funksiya (lot. functia – amalga oshirish, bajarish) – faoliyat, ba’zi sistemalar doirasidagi obyektning unga mansubligi va roli; obyektlar o‘rtasidagi aloqalar ko‘rinishi bo‘lib birining o‘zgarishi ikkinchisining ham o‘zgarishiga olib keladi, bunda ikkinchi obyekt dastlabkisining funksiyasi deyiladi.
Fuqarolik jamiyati – mazkur mamlakatning har bir fuqarosiga iqtisodiy va siyosiy turmushini o‘z ixtiyori asosida qurishga to‘la erkinlikni kafolatlovchi ma’lum ijtimoiy tizim.
Xalq – lug‘aviy ma’noda el, elat, millat, aholi, xaloyiq, bir guruh kishilar ma’nolarini anglatish uchun qo‘llaniladigan tushuncha.
Xususiyat – predmet va hodisalarning boshqa predmet va hodisalardan farqini yoki ular bilan umumiylikni ifodalovchi kategoriya.
Chikago maktabi – U.Tomas tomonidan asos solingan, sotsiologiyaning vazifasini keng qamrovli muammolarni tabiiy fanlar metodlari asosida o‘rganishdan iborat degan g‘oyani ilgari suruvchi neopozitivizm maktabi.
Shaxs – alohida kishi, ijtimoiy-axloqiy mohiyatni o‘zida mujassamlashtirgan individ.
Ekzistensial sotsiologiya (lot. exsistentia – mavjudlik) – sotsiologiyaning hayotning mazmuni, shaxsiy erkinlik, mas’uliyat muammolarini o‘rganuvchi yo‘nalishi.
Elita (fr. elite – eng sara) – har qanday ijtimoiy tuzilmaning boshqaruv, madaniyat va fanni rivojlantirish funksiyalarini amalga oshiruvchi oliy, imtiyozli qatlami.
Elita nazariyasi – V.Pareto asos solgan, a’zolarining qobiliyati va iste’dodiga ko‘ra jamiyatda yuqori pog‘onani egallovchi guruh haqidagi nazariya.
Empirik tadqiqotlar – sotsiologiyaning har bir sohasida o‘tkaziladigan faktologik tadqiqotlar.
Erkin assotsiatsiyalar usuli – Z.Freyd asos solgan birinchi, tasodifiy fikrni tadqiqotchi uchun ahamiyatli deb qarovchi metod.