Normamatova ijtimoiy ish nazariyasi

Neopozitivizm – sotsiologiyaning asosiy vazifasini inson xulq-atvorini sotsial voqea-hodisa sifatida tabiiy fanlarda tan olingan metodlardan foydalangan holda o‘rganishdan iborat, deb qaraydigan yo‘nalish.
Neofreydizm – Z.Freydning psixoanalizi asosiga qurilgan, lekin undan farqli ravishda asosiy e’tiborni ongsizlik yoki psixik jarayonlardan ko‘ra sotsiumdagi shaxs yoki shaxslararo munosabatlarga qaratgan yo‘nalish.
Obyekt (lot. objiect – narsa) – subyektning bilish va amaliy faoliyatida unga qarama-qarshi turadigan narsa.
Obyektiv reallik – inson ongiga bog‘liq bo‘lmagan, undan tashqaridagi moddiy olam.
Olomon – qiziqishlarining umumiyligiga ko‘ra yopiq makonda vaqtinchalik to‘plangan insonlar yig‘indisi.
“Organik” sotsiologiya – G.Spenser tomonidan asos solingan jamiyat va tabiatning aynanligiga asoslangan sotsiologik konsepsiya.
Pozitiv usul – O.Kont fikriga ko‘ra, ilmiy kuzatishlar, eksperiment va taqqoslash usuli yordamida to‘plangan empirik ma’lumotlarni tahlil qilish.
Pozitivizm (lot.positius – mavjudlik) – O.Kont asos solgan, ijobiy bilimlarni alohida mavjud bo‘lgan maxsus fanlarning natijasi va ularning uzviy birlashmasi natijasi sifatida qarovchi yo‘nalish.
Predmet – inson faoliyati va bilish jarayonida obyektlar dunyosidan ajratib qaralgan ma’lum bir yaxlitlikni ifodalovchi tushuncha.
Prinsip – turli ahamiyatga ega bo‘lgan faktlar va bilimlar majmuining asosi, poydevori, har qanday xatti-harakat, xulq-atvor va faoliyatning boshlang‘ich qoidalari.
Prognoz – biror bir hodisaning kelajakdagi holati haqidagi ilmiy tadqiqotlarga asoslangan ehtimoliy mulohaza.
Propaganda (lot. yoyish, tarqatish) – keng ma’noda: ijtimoiy faoliyatning alohida turi bo‘lib, aholining ijtimoiy-siyosiy faolligini oshirish maqsadida ilmiy, badiiy, ijtimoiy-siyosiy, milliy g‘oya va qadriyatlarni targ‘ib etishdir; tor ma’noda: mafkura va siyosatni targ‘ib etishga qaratilgan faoliyatdir.