Nukus davlat pedagogika instituti "kelishilgan"

Ekonomika túsinigi. Onıń belgili sociallıq dúzimdegi óndiris qatnasları 
jıyındısı. Mútájlikler, mápler insan ómirlik iskerligin háreketlendiriwshi kúsh. 
Ekonomikalıq mútájlikler hám ruwxıylıq. 
Ekonomikalıq turmıstı qáliplestiriw hám rawajlandırıw-ruwxıylıqtıń ózine tán 
forması. Ózbekstan Respublikasınıń Birinshi Prezidenti Islam Karimovtıń 
ekonomika hám ruwxıylıqtıń óz-ara baylanısı haqqındaǵı pikirleri. 
Bazar ekonomikasın ruwxıylıq kóz-qarasınan talıqlaw. Ótiw dáwirinde júz 
beretuǵın ekonomikalıq qıyınshılıqlar sharayatında ruwxıylıq faktorları roliniń asıp 
barıwı sebepleri. Ruwxıylıq ekonomikalıq ómirde júz beretuǵın birlesken 
jınayatshılıq, dámegóyshilik, aldawshılıq, paraxorlıq sıyaqlı unamsız illetlerdi joq 
etiw, isbilermenlik, jaratıwshılıq, iskerlik, saxıylıq sıyaqlı unamlı pazıyletlerdi 
qáliplestiriwdi áhmiyetli faktorı. 
Ruwxıylıqtıń siyasat, huqıq hám hákimiyattaǵı ornı. 
Ruwxıylıq, siyasat hám sociallıq hádiyse. Olardıń bir-birinen parqı, óz ara 
baylanıslılıǵı hám sociallıq funkciyaları. Siyasat hám siyasiy kóz-qaraslardıń 
ruwxıylıqqa tásiri. 
Siyasat, mámleket, klasslar, sociallıq toparlar, milletlerara qatnaslar dizimleri 
hám olardıń ruwxıy ólshemleri. Jámiyet turmısında siyasiy turaqlılıqtı támiynlewde 
ruwxıylıqtıń áhmiyeti, ruwxıylıqtıń shaxs siyasiy iskerligin asırıw faktorı. 
Ruwxıylıqta milliylik hám ulıwma insanıylıq. 
Milliy ruwxıylıq túsinigi, onıń millet ruwxıyatı, milliy sana, turmıs tárizi, úrp-
ádetler, dástúrler hám qádriyatlar menen baylanıslı. Milliy ruwxıylıqtıń ulıwma 
insanıy dárejesine kóteriliw koncepciyası. 
Ulıwma insanıy ruwxıylıq túsinigi. Onıń barlıq milletler hám etnoslardıń 
ózine tán táreplerin ózinde qáliplestirgenligi hám mútájliklerin, máplerin 
sáwlelendiriwi. 
Shıǵıs hám Batıs ruwxıyatı, olardıń milliy hám ulıwma insanıy ózgeshelikleri. 
Shıǵıs hám Batıs xalıqları ruwxıylıǵın bir-birine qarama-qarsı qoyıwǵa 
umtılıwlardıń unamsız áhmiyetleri.