O. Ismanova “ 2023 y O’zbekiston respublikasi oliy va o’rta maxsus ta’lim vazirligi namangan davlat universiteti

Zamonaviy darslik, yangicha fikr va integratsiya
Bugun oliy taʼlim muassasalari ishlab chiqarish korxonalari bilan hamkorlikni tobora mustahkamlab borishi zarur. Bu, oʻz navbatida, koʻplab oʻquv qoʻllanmalar va darsliklarni ana shu zavodlardagi texnologiyalar, laboratoriyalar asosida shakllantirishni taqozo qiladi. Davr shiddat bilan oʻzgaryapti. Yurtimiz sanoati kun sayin rivojlanyapti, xorijdan yangidan­yangi texnologiyalar kirib kelyapti.
Kadrlarimiz ularni bemalol boshqara olishi uchun ham oʻqitish metodlarimizni faqat nazariy emas, koʻproq amaliy jihatdan kuchaytirishimiz lozim. Malakali kadr tayyorlash uchun, avvalo, moddiy­texnik baza, laboratoriyalar, oʻquv xonalari, kompyuterlar zamon talabiga javob berishi kerak. Ikkinchidan, ilmiy salohiyatga ega, oʻz fanini mukammal biladigan professor-­oʻqituvchilar jamoasi shakllangan boʻlishi shart.
Uchinchidan, axborot-­resurs markazi, yaʼni zamonaviy, bugun sanoatda ishlatilayotgan qurilmalarda ishlash koʻnikmasini oshirishni oʻrgatadigan darsliklar, oʻquv qoʻllanmalari yaratilishi lozim. Bularning barchasi ilm­fan, taʼlim va ishlab chiqarish oʻrtasidagi integratsiyani tobora kuchaytirishni, xorijdagi nufuzli universitetlar bilan hamkorlikni yanada mustahkamlashni, yaratilayotgan yangi darslik va oʻquv qoʻllanmalarni zamonaviy texnikaga moslashtirishni taqozo etadi. Shiddatli davr bilan hamqadam boʻlishimiz uchun bugun kechagidan, ertaga esa bugungidan koʻra samarali mehnat qilishimiz, izlanishimiz, teran fikr yuritishimiz lozim.

Turkiyada Yevropaning eng yirik gibrid elektr stansiyasi foydalanishga topshirildi
Turkiyaning Bingo‘l shahrida Yevropaning eng katta gibrid elektr stansiyasi foydalanishga topshirildi. «Aşağı Kaleköy» deb nomlangan stansiya suv va quyosh energiyasidan foydalangan holda 450 ming xonadonning yillik ehtiyojini qoplovchi 580 megavatt energiya ishlab chiqarish quvvatiga ega.Kalehan Energy Group shirkati tomonidan Murod daryosida qurilgan elektr stansiyasi Turkiyadagi gibrid – aralash usulda ishlovchi ilk inshoot sanaladi. «Aşağı Kaleköy» stansiyasining ochilish marosimida Turkiya prezidenti Rajab Toyyib Erdo‘g‘on videokonferens aloqa vositasida qatnashdi. Turkiya rahbari ehtiyoj yil sayin oshib borayotgan energiya talabini qondirishda qayta tiklanuvchi energiya manbalari muhim o‘rin tutishi, shu sabab milliy resurslar hisobiga arzon va sifatli energiya ishlab chiqarishga alohida e’tibor qaratilayotganini ta’kidladi. 1 million kvadrat metr maydonni egallagan inshoot qurilishi 1 million metrdan ziyod kabel ishlatilgan. Yangi stansiyada 200 ming Quyosh paneli o‘rnatilgan. Mazkur faktlarning o‘zi elektr ishlab chiqaruvchi inshootning mahobatini tasavvur qilish uchun kifoya qiladi. Tahlillarga qaraganda, Turkiya energetika tizimida qayta tiklanuvchi, ya’ni yashil energiya ulushi oshib bormoqda. Masalan, joriy yilning yanvar-iyul oylarida mamlakatda 188,8 mlrd kilovatt/coat energiya ishlab chiqarilgan bo‘lsa, uning 8 mlrd kilovatt-soati quyosh energiyasi sanaladi. Shu tariqa quyosh elektr stansiyalarining umumiy energiyadagi ulushi 4,2 foizga yetdi.