Битирув лойиҳа ишининг мақсади. “Спортда математика” фанини ўқитишнинг назарий ва амалий масалаларини тадқиқ этиш, фан юзасидан ўқув модули ишланмасини шакллантириш ҳамда ўқитишни такомиллаштириш бўйича хулосалар ва тавсиялар ишлаб чиқишдан иборат.
Битирув лойиҳа иши мақсадидан келиб чиқиб қуйидаги вазифалар белгилаб олинди:
Биринчидан, Ўзбекистон давлат жисмоний тарбия институтида янги киритилган “Спортда математика” фани назарий ва амалий таҳлил қилиш;
Иккинчидан, «Спортда математика” фанини ўқитишда инновацион таълим технологиялари ва илғор ҳорижий тажрибалардан фойдаланиш йўлларини ёритиш;
Учинчидан, «Спортда математика” фани ўқув дастури мазмун-моҳиятини очиб бериш;
Тўртинчидан, «Спортда математика” фанидан электрон ўқув модули ишланмасини тайёрлаш;
Бешинчидан, «Спортда математика” фанини ўқитишни янада такомиллаштириш юзасидан таклиф ва тавсиялар ишлаб чиқиш.
Битирув лойиҳа ишининг объектини Ўзбекистон давлат жисмоний тарбия институтида янги киритилган “Спортда математика” фани спорт соҳасидаги масалаларни назарий ва амалий ўрганиш ташкил этади.
Мавзунинг предмети Ўзбекистон давлат жисмоний тарбия институтида киритилган “Спортда математика” фанининг мазмун-моҳиятини ўрганиш ҳамда уни назарий ва амалий тадқиқ этиш ҳисобланади.
Битирув лойиҳа иши назарий ва амалий аҳамияти шу билан белгиланадики, тадқиқот натижасида олинган хулосалар “Спортда математика” фани бўйича спортдаги турли масалаларнинг математик ечимини ишлаб чиқиш учун амалий дастур бўлиши мумкин. Олинган хулоса ва билдирилган таклифлардан таълим муассасаси фаолиятида, яъни “Спортда математика” фанини ўқитишда ва такомиллаштиришда фойдаланиш мумкин.
Битирув лойиҳа ишининг тузилиши ва ҳажми. Битирув лойиҳа иши кириш, икки боб, еттита параграф, хулоса ва таклиф, фойдаланилган адабиётлар қисмларидан иборат ҳолда ёритиб берилган. Битирув лойиҳа ишида 30 га яқин адабиётлардан фойдаланилган. Ишнинг асосий ҳажми 69 бетни ташкил этади.
Do'stlaringiz bilan baham: |
