Axborotni to‘plash va undan samarali foydalanish. Firma riskning oldini olish yoki uni kamaytirish uchun ichki va tashqi bozordagi ahvol, ii yerda narxlarning o‘zgarishi, tovarlar sotilishi-ning dinamikasi, raqobatchilarning fe’l-atvori va sa’y-harakatlari to‘g‘risida, partnyorlar ahvoli, davlat siyosatida kutilayotgan o‘z-garishlardan xabar topishi kerak. Firma oladigan axborot qanchalik xilma-xil, ko‘p manbali va miqdoran ko‘p bo‘lsa, shunchalik uning simmetrik bo‘lish ehtimoli katta.
Simmetrik axborotni hisobga olish firmani mavjud sharoitga yaxshi moslasha bilishini, nimani, qancha ishlab chiqarish va necha puldan sotish kerakligini oldindan bilish imkonini beradi.
Bu bilan firma riskni kamaytira oladi, chunki u noaniqlikka, binobarin xavf-xatarga kamroq yoliqadi. Shu sababli kimda axborot ko‘p bo‘lsa, shuning omadi chopadi, deb aytishadi. Axborotga pulni ayamagan firma riskni kamaytirish imkoniga ega. Axborot to‘p-lashda ko‘proq internet qo‘l keladi, shu bois internet xizmatlariga talab oshib boradi.
Do'stlaringiz bilan baham: |
