Omirtqa bag’anasi yarim shig’iwi ha’m shig’iwi sebepleri, klinik ko’rnisi?

3. Shanaq-san buwini shig’iwinin’ keshki klinik simptomlari
Trendelenburg simptomı: eger bala bir ayaǵında turıp basqası jambas-san hám dize buwınlarında tuwrı múyesh astında búgilgen bolsa, ol jaǵdayda saw ayaqta turǵanda orta hám kishi quyrıq bulshıq etleri jambastı uslap turadı. Biraz kóterilgen ayaq tárepte jambastıń ekinshi yarımı kóteriledi. Bul Trendelenburtıń keri simptomı bolıp tabıladı. San súyeginiń tuwma shıǵıwı bolǵan ayaqta turǵanda orta hám kishi bókse bulshıq etleri olardıń nuqsanı sebepli jambastı gorizontal halatta uslap turalalmaydı. Bunda jambas saw tárepke iyiledi, sol táreptegi bókse astı búrmesi tómenge túsedi. Balanıń ózi awırıwlı tárepke iyiledi. Bul Trendelenburtıń oń simptomı bolıp tabıladı. San úshmuyeshi tamırlardan ishten palpaciyalanǵanda tuwma shıǵıwda san basshasın anıqlap bolmaydı. Basshanıń jambas súyegine hám qaltasına fiksaciya dárejesin anıqlaw ushın fiksaciya etilgen jambasta sandı distal ushınan qolda tartıladı. Bul belgili klinikalıq hám prognostikalıq áhmiyetke iye. Vizual baqlaw sannıń háreketsheńlik dárejesin anıqlawǵa múmkinshilik beredi. San súyegi shıqqanda úlken urshıq Rozer-Nelaton sızıǵınan joqarıda turadı. Rozer-Nelaton sızıǵı — jambas súyegi aldınǵı joqarı qırı astı menen quyımshaq súyegi dúmpegin birlestiriwshi sızıq bolıp tabıladı. Ayaqtıń anatomiyalıq uzınlıǵı birdey bolǵan halda salıstırma uzınlıǵı shıqqan tárepte kelte boladı.
4. Sirg’anap shiqiw yaki “shiqirlaw” (Marks Ortolani belgisi), Trendelenburg simptomlari qalay aniqlanadi?
Sırǵanap shıǵıwı yamasa «shıqırlaw» belgisi (Marks-Ortolani belgisi). Balanıń ayaǵı jambas-san hám dize buwınlarında búklenip, I barmaqlardı sannıń ishki tárepine, III barmaq ushın úlken urshıqtıń ústine qoyıladı. Bul belgi eki túrli anıqlanadı: birinshi túrde san súyeginiń basshası jambas oyıqshası buwın ishine kiritiledi. Ekinshi halda onı (san súyegi basshası) shıǵarıladı. Ayaq san kósheri boylap tartıladı hám balanıń ayaǵı eki tárepke keriledi. III barmaq penen úlken urshıq jambas oyıqshası tárepke iyteriledi. Eger bassha shıqqan bolsa, buwınǵa túsip shıǵarılıw baqlanadı; bunı shıpaker qolı menen sezedi. Ekinshi halda san kósheri boyınsha iyterilip, ayaqlar ishke tartıladı. Bul belgi shıǵıw aldı halatı ushın patognomonik bolıp, emlewdi baslaw ushın túrtki boladı. «Shıqıldaw» belgisi bala 3 ayǵa tolǵanǵa shekem boladı.