Ona tili 4 sinf ona tilidan dars ishlanmalari 1-dars Darsning mavzusi: 3-sinfda o‘tilganlarni takrorlash. Gap

tarbiyaviy: muomala odobiga, o‘quv qurollarini asrashga o‘rgatish, kitobning inson uchun foydali tomonlarini yoritib berish; TK2: media vositalridan, didaktik materiallaridan foydalanish; TK3: o‘zining xato va kamchiliklarini to‘g‘ri tushunish, o‘zini nazorat qila olish va xatolarini tuzatishga harakat qilish; TK4: o‘quvchilik burch va huquqlarini, vazifalarini bilish va ularga rioya qilish;
rivojlantiruvchi: o‘quvchilarning lug‘atini boyitish; FK2: mavzuga oid so‘zlarni og‘zaki va yozma nutqda qo‘llay olish, o‘zlashtirilgan leksik birliklarni matnda qo‘llay olish.
Darsning turi: yangi bilim beruvchi dars
Darsning metodi: suhbat, analiz, tushuntirish, yarim izlanishli muammoli metod.
Darsning jihozlari: uyushiq bo‘lakli gaplar yozilgan kartochkalar, multimedia ilovalari.
Darsning borishi:
I.Tashkiliy qism
II. O‘tgan mavzuni mustahkamlash.

H usnixat daqiqasi: Ovchini zo‘ri sher otadi, Dehqonning zo‘ri yer ochadi.

O‘tilgan mavzuda berilgan uyga vazifasini tekshirish. Uyga berilgan mashq o‘qitiladi. Uy vazifasi tekshirilayotganda doim o‘quvchilarga "Qaysi so‘zda yoki shu so‘zning qayerida imlo xato qilib qo‘yish mumkin?" degan savol berish, o‘sha so‘zning imlosi ustida ishlash lozim. So‘z va gap haqidagi bilimlarini so‘rab mustahkamlash.

III. Yangi mavzuning bayoni:

1 -topshiriq. Ekranda gap va uni ostida gap bo‘laklarini belgilash uchun tegishli chiziqlardan foydalanib, o‘quvchilar topshiriqni bajaradilar.

Multimedia ilovaning 1-topshirig‘i bajarilganda gap bo‘laklari yuzasidan suhbat.

• 
  Gapni o‘qing, kesimini toping.
  
• 
  Gapni egasini toping. Gapda egalar nechta ekan?
  
• 
  Bir xil so‘roqqa javob bo‘lgan so‘zlar qaysi bo‘lakka bog‘lanib kelyapti?
  
• 
  Gapda bir xil so‘roqqa javob bo‘lib, bir so‘zga bog‘lanib kelgan bo‘lakni qanday atash mumkin?
  

Demak, gapda bir xil so‘roqqa javob bo‘lib, bir so‘zga bog‘lanib kelgan bo‘lak uyushiq bo‘lak deyiladi. Ular sanash ohangi bilan aytiladi. Gapda ega, kesim va ikkinchi darajali bo‘laklar uyushib keladi. Bunday bo‘laklar uyushiq bo‘laklar deyiladi.
Multimedia ilova namoyishi orqali uyushiq bo‘laklarning nutqdagi ahamiyati tushuntiriladi.