Ona tili va bolalar adabiyoti

 
 
 
 
 

---

162 
ALOHIDA SO‘Z TURKUMLARI 
 
Modal so‘zlar 
 
338-mashq. Gaplarni o‘qing. Modal so‘zlarni aniqlab, ma’no turini ayting. 
1. Uylanish sizga ham farz, ham qarz. Bunga qolganda, albatta, bir 
uzr ko‘rsatolmaysiz. (A. Qodiriy) 2. Jahl ustida urishib qolgan bo‘lsa-
ngiz, ehtimol, yarashib qolarsiz. Oilangizni buzmang! (Mirmuhsin)  
3. Darhaqiqat, bir-biriga o‘xshamagan nonlar tarashadek qotib qolgan 
edi. (A. Qodiriy) 4. Qishloqqa bahor ilgariroq keldi, shekilli, Vasila 
Nazarovna tanaffus paytida yo‘lakda yugurib ketayotgan bir qiza-
loqning qo‘lida gunafsha ko‘rib qoldi. (O‘.Hoshimov) 5. Albatta, kam-
pir kelinlarini ro‘zg‘ordan siqmasdi. Ammo rejani buzmay, masalliqni 
isrof qilmay ish tutardi. (S. Ahmad) 6. Eshik, deraza, pol, to‘sin kerak-
mi? Demak, duradgorlik ustaxonasi kerak. (N. Safarov) 7. Bo‘lmasa, 
ilgaridan eringizning o‘sha harakatlarini ham bilar ekansiz-da? (A. Qo-
diriy) 8. Sersuv va xilma-xil uzum ko‘p. Qorajanjal, bedona, sohibi, 
dilikaftar, buvaki – xullas, bularning navi behisob. (Oybek) 9. – Meniki 
mubolag‘a emas, – dedi Anvar, – masalan, sen hozir gullar yonidasan, 
ham chindan-da gullarning ra’nosisan. (A. Qodiriy) 10. Cho‘l shamol-
lari, jumladan, garmsel havoni quruqlashtiradi. (“Fan va turmush” 
jurnalidan) 11.Avvalo, yigit kishi sabrli, toqatli bo‘ladi. Ikkinchidan, 
mard bo‘ladi. (R. Rahmon) 12. – Ming afsuski, hozir to‘ylarda o‘yin-
kulgi, chiroyli an’analar san’atini namoyish qilish emas, isrofgarchi-
liklar me’yoridan oshib ketadi. (Mirmuhsin) 13. Xayriyat, eshikning 
kaliti burnida qolgan ekan. (S. Ahmad)