Ona tili va bolalar adabiyoti

 
 
Undov so‘zlar 
339-mashq. O‘qing. Undov so‘zlarni topib, ma’no turini aniqlang va ma’no-
sini izohlang. 
1. Eh, attang, orzular uchdi havoga. (Y. Qurbon) 2. Eh, maza! Maza! 
– Popuk sevinchidan quyonday dikong-dikong sakradi. (H. Nazir) 
3.Samolyotga yetdik. Ehe, uning vahimasini ko‘ring. (H. Nazir) 4. Bay-
bay-bay, husn-u latofatini qarang, behisht qizlaridek, huru g‘ilmonlari-
dek. (X. To‘xtaboyev) 5. Bay-bay, bu bolalarning dastidan o‘lib bo‘l-
dim; axir bu tosh qurut, jig‘ildonlaringni teshib yuboradi-ku. (Oybek) 

---

163 
6. Assalomu alaykum, – dedim ostonadan bir qadam narida turib.
(E. Rahimov) 7. Otga juda epchil ekansan-ku, qizim! Barakalla-e.
(A. Qahhor) 8. Rahmat, yuzga kir, uvali-juvali bo‘l, o‘g‘lim. (Oybek)
9. Ajabo, Mavlonqulov bu zahar-zaqqum gaplarga pinak ham buzmadi. 
(X. Sultonov) 10. Mustafo eshagiga xalacho‘p bosdi: – Xix, jonivor, 
xix! (M. M. Do‘st) 11. Oh, u damlar!.. eslasam, qalbimni quvonch, 
ruhimni shodlik quchadi. (J. Jabborov) 12. Bos oldin, tulporim, chu, 
azamat, chu. (G‘. G‘ulom) 13. Hoy, onasi, suyunchini cho‘z. (E. Rahim) 
14. – Xayr, sog‘ bo‘ling, – dedi Saodat Lolaxonni eshikkacha uzatib. 
(S. Zunnunova) 15. Xudoga ming qatla shukur, ko‘zim ochiq paytda 
qizginamning to‘yini ko‘radigan bo‘ldim. (A. Qahhor) 15. Ey, bobo, 
nechuk g‘amnok ko‘rinasiz. (S. Ahmad) 16. Obbo, Qorabotir bo‘lib 
qolding shekilli. Birovning sevgisiga raxna solishing qoluvdi. (O‘. Ho-
shimov)
340-mashq.  Berilgan undov so‘zlarni ma’no turiga ko‘ra quyidagi jadavalga 
joylashtiring. Undov so‘zlarning har bir ma’no turi ishtirokida ikkitadan gap 
tuzing. 
Iye, marsh, ofarin, oh, esonmisiz, o, pish-pish, bay-bay, assalomu 
alaykum, barakalla, tashakkur, hayt, rahmat, beh-beh, shukur, qulluq, 
barakalla, kisht, uf, uh, ho, allo, o‘h-ho‘, ehe, e, hay-hay, aha, qoyil, 
hay-hay, chu, aha, bor bo‘ling, eha, o‘, qulluq, mah-mah, marhabo, i, 
xix, a, omonmisiz, o‘h, marhamat, obbo, iya, he, ura, iye-voy, vodarig‘, 
esiz, evoh, vah-vah, ajabo, balli, hoy, oy, ay, ey, ma, tss, qani, jim, tek, 
hormang, pisht, dirr, ish, eh, xuyt, xayr, xo‘p. 
His-hayajon 
undovlari 
Haydash-chaqirish 
undovlari 
Rasm-odat 
undovlari 
Shaxsga 
qaratilgan 
Hayvon-
parrandalarga 
qaratilgan