Ona tili va bolalar adabiyoti

 
185-mashq. “Iboralar zanjiri” o‘yini. Bir talaba doskaga o‘zi bilgan iborani 
yozib, yonidan uning ma’nosini izohlaydi. Ikkinchi talaba ham xuddi shu ishni 
bajaradi, keyin uchinchi talaba va hokazo. Bunda har bir navbatdagi ibora oldingi 
ibora tugagan harfdan boshlanishi kerak.
Namuna: 

ilonning yog‘ini yalagan (ayyor) 

nog‘orasiga o‘ynadi (birovning yo‘l-yo‘rig‘i bilan ish qildi) 

ipidan ignasigacha (batafsil) 

almisoqdan qolgan (juda eski) 
 

---

82 
186-mashq. “Kim haqida shunday deydilar?” o‘yini. Talabalar ikki guruhga 
bo‘linadi. O‘qituvchi har bir guruhga navbatma-navbat iboralarni aytadi. Guruh-
dan bir talaba turib, kim haqida shunday deyilishini aytadi. Qaysi guruh ko‘proq 
to‘g‘ri javob topsa, o‘sha guruh g‘olib bo‘ladi. 

yulduzni benarvon uradi 

ammamning buzog‘i 

pixini yorgan 

qo‘li ochiq 

sirkasi suv ko‘tarmaydi 

ko‘nglida kiri yo‘q 

yer tagida ilon qimirlasa, biladi 

chumchuq pirr etsa, yuragi shirr etadi 

qo‘li egri 

qo‘lini sovuq suvga urmaydi 

o‘ziga bino qo‘ygan 

tegirmonga tushsa, butun chiqadi 
187-mashq. “Bir so‘z bilan izohlang” o‘yini. Talabalar ikki guruhga bo‘linadi. 
Bir guruh ibora aytadi. Ikkinchi guruh uni bir so‘z bilan izohlaydi. Keyin ikkinchi 
guruh ibora aytib, birinchi guruh uni bir so‘z bilan izohlaydi. O‘yin shu tarzda 
davom ettirilib gʻolib aniqlanadi. 
Namuna: terisiga somon tiqmoq – azoblamoq. 
Foydalanish uchun iboralar: ko‘z ochib yumguncha, tog‘ni ursa 
tolqon qiladigan, xamirdan qil sug‘urganday, yer tishlamoq, yog‘ 
tushsa yalaguday, tomdan tarasha tushganday, yetti yashardan yetmish 
yashargacha, turmush kechirmoq, yoqasini ushlamoq, sharti ketib,