Ona tili va bolalar adabiyoti

493-mashq. Gaplarni o‘qing. Qo‘shtirnoq belgisining qo‘llanish o‘rni va vazi-
fasini izohlang. 
1. Mirzo Ulug‘bek da’vogarga: “O‘sha daraxtdan uch-to‘rt barg olib 
kel, men uning vositasida haqiqatni aniqlayman”, – debdi. (“Yolg‘on-
chining izza bo‘lishi” rivoyatidan) 2. «Kosmetika» aslida grekcha so‘z 
bo‘lib, u «go‘zallashtirish» degan ma’noni anglatadi. («Saodat» jurna-
lidan) 3. Xo‘p, hozir ko‘ramiz.. «Yaxshi!».. «O‘rta».. «O‘rta».. Qani 
«a’lo»? Ruschadan nima uchun «yaxshi»? (A. Qahhor) 4. Birdan aya-
majizning «ho‘kiz o‘ldirar» izg‘irini boshlandi. (S. Nurov) 5. Bashirjon 

---

227 
tili so‘zga kelmay, «qiyomatli» ukasiga ancha vaqt ag‘rayib turdi, niho-
yat, zo‘rma-zo‘raki jilmaygandek bo‘ldi. (N. Aminov) 6. “Tafakkur” 
jurnalini maroq bilan o‘qiyman. 7. “Yulduzli tunlar”da “Boburnoma”-
dan olingan parchalar ham uchraydi. 8. Anvarning tevaragida “xolis” 
maslahatgo‘ylar ham ko‘rinishib qoldilar. Ayniqsa bu “xolis”lardan biri 
pochchasi edi. (A. Qodiriy) 9. Adabiyotshunos Ibrohim Haqqulning 
“Navoiyga qaytish” kitobi “Fan” nashriyotida chop etildi. 10. Ingliz tili 
bo‘yicha o‘tkazilgan olimpidaning viloyat bosqichida 8-“A” sinf 
o‘quvchisi Gulchiroy Safarova 1-o‘rinni egalladi. 11. “O‘zDEU avto” 
qo‘shma korxonasida 1996-yildan boshlab “Neksiya”, “Damas” va 
“Tiko” yengil avtomobillari ishlab chiqarila boshladi. 12. Moskvadan 
uchib kelgan “Boing–767” samolyoti Toshkent aeroportiga qo‘ndi.
13. “O‘zbekiston Qahramoni” unvoni va “Oltin Yulduz” medali bilan 
2005-yilgacha 55 kishi taqdirlangan. (“O‘zbekiston milliy ensiklopedi-
yasi”dan) 
494-mashq. Gaplarni o‘qing. Qavs belgisining qo‘llanish sababini izohlang. 
1. Fayzulla Qosimov (matematika o‘qitish metodikasi fani o‘qituv-
chisi) talabalar uchun “Tipik arifmetik masalalar” degan metodik qo‘l-
lanma nashr ettiribdi. 2. Azamatlar o‘nlab aravalarga va ikki mashinaga 
(o‘n kun avval yana bir yuk mashinasi olingan edi) har nav yuklarni 
ildamlik bilan ortmoqda edilar. (Oybek) 3. Propolis – asalarilar ajra-
tadigan yelimsimon, smolali xushbo‘y modda (tibbiyot va farmatsevti-
kada qo‘llanadi). (“O‘zbek tilining izohli lug‘ati”dan) 4. Juletta. Yana 
shovqin! Fursatim ziq! O, aziz xanjar! (Romeoning xanjarini oladi) 
Seni g‘ilofingga solay! (Ko‘ksiga uradi) (V. Shekspir)