Ona tili va bolalar adabiyoti

55-mashq. Berilgan juft so‘zlar orasiga -u, -yu bog‘lovchisidan mosini qo‘yib 
yozing. Yozgan so‘zlaringizning imlosini tushuntiring. 
Bog‘-bo‘ston, yaxshi-yomon, yosh-qari, tun-kun, kecha-kunduz,
tog‘-tosh, oq-qora, katta-kichik, do‘st-dushman, tog‘a-jiyan, amma-
xola, qo‘y-qo‘zi, qovun-tarvuz. 
56-mashq. Yetakchi va ko‘makchi fe’lni bir xil shaklga keltirib yozing. 
Yozgan so‘zlaringizning imlosini tushuntiring. 
Yozib oldi, ketib qoldi, yozib qo‘yasan, uxlab qolibman, ag‘darib 
tashladi. 
57-mashq. Berilgan sifatlarning kuchaytirma shaklini hosil qilib yozing. 
Kuchaytirma shakldagi sifatlarning imlosini izohlang. 
Dumaloq, yashil, to‘g‘ri, tayyor, toza, qora, katta, ko‘k, qizil, sariq, 
tekis, oq, sog‘, oson, tuzuk. 
58-mashq. Berilgan so‘zlardagi xatoni tuzatib yozing. Bu so‘zlarning 
yozilishini imlo qoidasi asosida tushuntiring.
Koʻchamako‘cha, rangbarang, uymauy, to‘ymato‘y, dambadam, 
kunmakun, roʻ-baro‘, dar-badar, unter ofitser, kilovatt soat. 
59-mashq. Berilgan so‘zlarni -chi, -a, -ya, -mi, -u (-yu), -oq, (-yoq), -da, -e,
-ey (-yey), -gina (-kina, -qina) yuklamalari bilan yozing. Yuklamalarning 
imlosini tushuntiring. 
Ko‘raylik, bilasan, keldi, aytding, kelgan, yaxshi, ko‘rib, o‘zi, keng, 
bor, qizim, keldi, o‘qituvchi, terak, qo‘shiq.

---

23 
60-mashq. Tartib sonlardan keyin zarur o‘rinda chiziqcha qo‘yib ko‘chiring. 
Tartib sonning imlosini tushuntiring. 
6 uy, 3 sinf, 4 “A” sinfi, 1, 2, 3 kurs talabalari, 70 yillar, 1991 yilning 
1 sentabri, XXI asr, V bob, IX sinf. 
61-mashq. Berilgan so‘zlarga qil, et, chek, bo‘l, ber, qo‘y, ol, kel, chiq 
fe’llarini qo‘shib, qo‘shma fe’l hosil qiling va yozing. Qo‘shma fellarning imlo-
sini tushuntiring. 
Xursand, xafa, miq, sayr, azob, mashaqqat, ozod, katta, javob, sa-
vol, imzo, sotib, olib.