Oqiw materiallari

Psixologiya ilim sipatinda. Ilimiy ha`m turmisliq psixologiya bar ekenligi bizge belgili. Psixologiya predmeti tiri jannin` ha`r qiyli ishki ha`m sirtqi ko`rinislerindegi psixikasi, onin` bul ko`rinisler ha`m protsessler arasindag`i korrelyatsiya, sub`ekttin` sotsialliq qatnasindag`i psixikasinin` sebepshi boliwi, onin` jeke qa`siyetlerinin` roli usi ha`m basqada psixikanin` fenomen (siyrek ushirasatug`in, tan` qalarliq qubilis) belgili bir nizamshiliqqa boysing`an bolip oni ashiw ilimiy psixologiyadan talap etiledi. Bul oni fiziologiya, sotsiologiya yamasa basqa pa`nlerden shekleydi.

Psixologiya pa`ninin` rawajlaniw tariyxi
Psixologiya tarawında anıq sabaqlıqlar jazıla baslag`an da`wirge de sa`l kem q00-jıl boldı. Sol da`wirge de ko`plep ilimiy–izertlew na`tiyjesinde o`z ishine alg`an monografiyalar, sabaqlıqlar qollanbalar jazıldı. Biraq usının` menen pa`ninin` ja`miyet turmısında tutqan ornı o`sip keldi, dep bolmaydı. Sebebi psixologiya tarawında jumıs islegen ba`rshe alımlar ko`birek dıqqatların oyların shaxstın` individual psixologiyasına qaratadı. Mısal` insan onın` barkamallılıg`ın ja`miyettin` rawajlanıwına bir qansha ta`siri ma`selesi o`tip baratırg`an a`sirimizdin` aqırına kelip anıq ha`m tiykarg`ı mashqalalar qatarınan jay aladı.
XX a`sir ha`m onın` erisilgen jetiskenliklerinen en` a`hmiyetlisi sonnan ibarat texnika, elektronika ha`m usıg`an uqsas quramalı texnologiyalardı jaratqan insan ha`m onın` ku`ndelikli turmısı menen tikkeley baylanıslı mashqalalar ko`beyip barıwı menen xarakterlenedi. Waqıtı kelgende, sonday faktke dus kelemiz, o`zimizdin` a`tirapımızdag`ılardın` ruwxıy keshirmelerin durıs bahalay almag`anlıg`ı sebepli o`zin sharasız ha`m ku`shsiz seziwi mu`mkin ekenligin turmıs da`liyllep berdi.
XXI 1sir bosag`asında ko`plegen ma`mleketlerde bolg`anı sıyaqlı O`zbekstanda ha`m ba`rshe tarawlarda reformalar baslandı. Bul reformalardın` ha`mmesi insan ta`sirin ha`r qashang`ıdan da joqarı da`rejede ko`terip, onın` ku`shi, sezimi ruwxıy ha`mde aqılıy barkamallıg`ı tikkeley rawajlanıw ha`m tsivilizatsiya menen tıg`ız baylanıstıradı. Bunnan insan ha`m onın` jedelligi, o`z u`stinde islewi, o`zinin` jedelligi haqqında qayg`ırıw mashqalası ha`r qashang`ıdan da a`hmiyetli biraq psixologiyalıq qubılıslar menen ha`r qanday insan ha`m tanıs bolıwı ha`m ol insan o`mirinin` tiykarın qurawı kerek.
İnsan psixologiyasının` biliw, o`z jetiskenliklerin ha`m bilimlerin sho`lkemlestiriwdi biliw, ha`r qanday jaslıq da`wirde de optimal ra`wishte jumısqa jaramlılıqtı, tu`rli o`zgerislerge psixologiyalıq ta`repten tayarlıqtı ta`miynlew, jan`asha pikirlew ha`m oylap biliw, ju`z berep atırg`an waqıyalardı ob`ektiv ha`m tuwrıdan-tuwrı alıw qa`biletin rawajlandırıw mashqalasın alg`a su`rdi. Jan`a da`wir ha`m onın` o`zgerislerge bay turmısı endi ha`r bir kisinin` psixik waqıyalar nızamlıqların biliw ha`m sog`an say ta`rizde aqılana ha`m qag`ıydalar tiykarında is ju`ritiw za`ru`rligi talap qılınbaqta.