Oqiw materiallari

1. Biykar etiw. Insan og’an awırıwdı beriwshi waqıyalıqqa itibarsizlıq penen, o‘zin mashqala joqtay etip tutadı.
2. Ko‘shiriw – seziw obektin qa’wipsizlewine almastırıw. Negizinde sezimlerdin’ payda bolıwına ulıwma basqa adam sebep bolsada, insan muhabbat, jek ko’riw, ba’sekeleslik haqqında pikir ju’ritedi.
3. Sublimatsiya – jınısıy beyimlesiw menen baylanıslı ha’reketlerdi joqarı maqsetlerge, ma’selen, do’retiwshilikke tartıw.
4. Proeksiya – insan o‘zinin’ shaxsıy sana ushın maqul bolmag’an ishki seziw ha’m qa’lewlerin basqa adamlarg’a o’tkeriwden ibarat bolg’an qorg’aw mexanizmi. Basqaların, a’sirese, sonin’ ushın ayıplaydı.
5. Qıyalıylarg’a beriliw – shaxsıy «Men»nin a’hmiyetliligin ko’rsetiw maqsetinde ko’z qaras, zeb beriw, o‘z imkaniyatlarına artıqsha baha beriw tarawında frustratsiyalang’an mu’ta’jliklerdi qanaatlandırıw.
6. Kesellikke beriliw – mashqalalardı sheshiwde juwapkershilik ha’m erkinlikten bas tartıwg’a umtılıw; bul mexanizm «ekilenshi payda» a’jayıp ha’diysesi menen baylanıslı. Biytap roli adamdı ha’reket qılıw za’ru’riyatınan azat qıladı, bag’ınıshlı ha’m kewil bildiriwge mu’ta’j bolıwg’a imkaniyat jaratadı.
7. Repressiya (sıg’ıp shıg’arıw, so‘ndiriw) – este saqlawdan ruwxıyatqa jaraqat jetkiziwshi qolaysız ushırasıwlar, waqıyalar, ha’diyselerdi o’shirip taslaytug’ın tu’p negizli qorg’aw mexanizmi. O‘zimiz de orınlanbag’an wa’de, qolaysız is-ha’reketimiz haqqında ju’da’ tez umıtamız. Lekin bul muwapıqlıq emes. Insan haqıyqatında da ko‘rmey, bilmey turıp, umıtıp jiberedi.
8. Regressiya – er jetken insang’a o‘zin jas baladay tutıw imkaniyatın beriwshi rawajlanıwdın’ da’slepki basqıshlarına qaytıw. Shan’araqlı hayal turmıs joldası menen kelise almay qalsa, aldıng’ıday, ata-anası u’yinde kishkene qız da’wirdegidey, qorg’aw ha’m jubatıw maqsetinde jılay baslaydı. Bazı bir waqıtta u’lkenler qanday da bir jag’dayda «balalarday belgiler» menen so’ylesiwleri mu’mkin. Bul o’zine ta’n ra’wishte qa’weterge sebep bolatug’ın waqıyalıqtan, mashqalalardan o’zine ta’n tu’rde sheginiw bolıp tabıladı.