Oqiw materiallari

9. Qarama-qarsı reaksiyanın’ qa’liplesiwi – sana ushın maqul bolmag’an reaksiyanın’ qarama-qarsısına almastırıw, ma’selen, muhabbattı – jek ko’riwge, g’a’zepti – muhabbatqa. Jınsiy jetilisiw da’wirde qizlarg’a salıstırg’anda ha’westin’ oyang’anı an’lanbag’an halda ul balalar qızlardın’ shashlarınan tartıwı, urısıwı, jaman laqap qoyıwı, olarg’a taqat qila almaslıqların o’z aldına ko’rsetip o’tiwlerinde payda boladı.
10. O’sh alıw – impuls yamasa seziwdi bir obektten qolaylı basqa obektke qayta bag’darlaw. Shan’araq baslıg’ı jumısındag’ı qolaysızlıqlardın’ g’a’zebin tikkeley ayıpker – baslıg’ınan emes, balkim, hayalınan, balalarınan yamasa iytinen aladı.
11. Maqsetke muwapıqlastırıw – muwapıq kelmeytug’ın ha’reketler ha’m pikirler ushın isendiretug’ın sebeplerdi oylap tabıw, o‘zin aldaw. Ma’selen, a’wmetsizlikke ushırag’an adam, o‘zi umtılg’an obekt qadirin pa’seyittirgen halda, qa’ha’retlengen izzet-na’pesin tınıshlandıradı. Yaq juwabın alg’an jigit qızdın’ «diydine say kelmesligin»» yamasa aldın oylag’anday go‘zzal emesligin ja’riyalawı mu’mkin.
12. Intellektuallastırıw – onin’ ja’rdeminde subekt diskursiv ko’riniste o‘zinin’ qarama-qarsılıqları ha’m sezimlerin olardı iyellep alıw maqsetinde sa’wlelendiriwge ha’reket qılatug’ın process. Basqasha etip aytqanda, o‘z ha’weslerin, logikalıq payda qılıng’an pikirlesiw sistemalarına orag’an halda, sa’wlelendiriwge umtılıw. Keshirme pikir ju’ritiw menen almastırıladı.
13. Jekkeleniw – intellektuallastırıwg’a uqsas mexanizm bolıp, pikirlesiw yamasa ha’rekettin’ subekttin’ basqa pikirleri yamasa o’mirinin’ basqa ta’repleri menen u’ziliwin bildiredi. jekkeleniw oylaw procesindegi toqtalıwda, formula ha’m ritualda sa’wleleniwi mu’mkin. Bul mexanizm ol yamasa bul tema boyınsha sa’wbetlesiw qa’lewinin’ joq ekenligi, talıqlaw qılınbaytug’ınlıg’ı sıpatında ko’rinedi.
14. Ten’lestiriw – o’zine basqa adamg’a ta’n bolg’an seziwler, pikirlesiwler, keypiyatlardı o‘zlestirip alıw. Tu’rlerinen biri qa’wip salıwshıg’a uqsatıw. Bul dushpan oyatıp atırg’an qorqınısh seziminen qutılıw ushın subekt, yamasa roldi qabıl qılg’an halda, yamasa obekttin’ o‘zin bo’lsheklegen halda ol menen baylanıs ornatıwdı bildiredi.
Ha’zirgi zaman izertlewleri jeterli tu’rde puxta islep shıg’ılg’an «Men» qorg’aw mezanizmlerin ha’m «O‘zi» mexanizmlerin shegaralawg’a qaratılg’an. Birinshi jag’dayda obektke bag’darlang’an, subekttin’ bir bo’legi bolg’an, ekinshisinde – subekt o‘zi ushın obekt bolıp xızmet qılatug’ın sho’lkem menen is ko’remiz.[2]