O‘quv fanining dolzarbligi va oliy kasbiy ta’limdagi o‘rni

---

 

---

 

---

I.
 O‘quv fanining dolzarbligi va oliy kasbiy 
ta’limdagi o‘rni
Ushbu fan dasturi kimyo o‘qitish metodikasi yo‘nalishining talabalari uchun 
mo‘ljallangan bo‘lib, sanoatda kimyo reaksiyalarini qo‘llab, kimyoviy mahsulotlar ishlab 
chiqarish jarayonlari va usullari yoritilgan. Fanni o‘qishda O‘zbekiston Respublikasida 
kimyo sanoatlarining rivojlanishi, kimyoviy texnologiyaning xalq xo‘jaligining 
rivojlanishidagi ahamiyati, xom-ashyo va qo‘llaniladigan energiya turlari, kimyo 
texnologiyasida suvni tozalash va suv aylanma sistemalar, kimyoviy reaktorlar va ishlab 
chiqarishning kimyoviy-texnologik sistemalari, reaktorlar, gomogen, geterogen, katalitik 
jarayonlari, muhim kimyoviy ishlab chiqarishlar: sulfat, nitrat kislotalar, ammiak, azotli 
va fosforli o‘g’itlar ishlab chiqarish, elektrokimyoviy ishlab chiqarish, neft va gazni qayta 
ishlash mahsulotlaridan organik moddalar, yuqori molekulyar birikmalar, plastmassa va 
tolalar ishlab chiqarish bo‘yicha bilimlar, ko‘nikma va malakalar berishni belgilab 
beradi. 
 
II. O‘quv fanining maqsad va vazifasi 
Kimyo texnologiyasi kursi kimyo o‘qituvchilari tayyorlashda muhim rol o‘ynaydi. 
Kimyo texnologiyasi fanining predmeti va uning muhim tushunchalari: texnologik 
jarayon va uning bosqichlari; xom ashyo, yarim tayyor va tayyor mahsulotlar, ishlab 
chiqarish chiqindilaridan qo‘shimcha mahsulotlar olish jarayonning o‘lchashlari, harorat, 
bosim, kontsentratsiya va boshqalar.
Fanning maqsadi - Kurs fan bilan ishlab chiqarish uyg’unligini ko‘rib chiqishda 
eng muhim kimyoviy, metallurgik va yoqilg’ini qayta ishlash, silikat ishlab chiqarish 
asoslari tanishtiriladi. Kimyo kursini o‘rganishda kimyoviy ishlab chiqarishlarga alohida 
ahamiyat beriladi.