O‘quv-uslubiy majmua Namangan davlat universiteti kengashining 2021-y. "27"

MUJTASS (ar. ثتجم– ildizi bilan yulingan) – aruz bahrlaridan biri, xafifdan 
yulib olinganga o‘xshaganligi uchun shunday nomlanadi. Mustaf’ilun (– – v – ) va 
foilotun (– v – –) asllarining ketma-ket takroridan hosil bo‘ladi. O‘zbek she’riyatida 
faol qo‘llanadigan bahrlardan biri. Navoiyning “Mezon ul-avzon” asarida M. 
bahrining to‘qqiz vazni, Boburning “Muxtasar”ida esa yigirma vazni misollar bilan 
ko‘rsatib berilgan. SHe’riyatimizda mazkur bahrning, asosan, beshta vaznidan 
foydalanilgan. Atoyi, Sakkokiy, Gadoiy, Lutfiy, Munis, Ogahiy, Nodira kabi mumtoz 
shoirlar ijodida M. bahrining bir necha vaznida yozilgan she’rlar uchraydi. 
Navoiyning “Xazoyin-ul maoniy” kulliyotida esa 348 ta she’r (11 foiz) M. bahrida 
yaratilgan. M. ning o‘ziga xos jihatlaridan biri uning ko‘p vaznli ekanligidir, ya’ni bir 
she’rda uning bir necha vaznlari aralash qo‘llanishi mumkin. Bu esa she’rga o‘ziga 
xos o‘ynoqi ohang baxsh etadi. Navoiyning quyidagi bayti mujtassi musammani 
maxbuni maqsur (v – v – / – v – – / v – v – / – v ~) vaznida yozilgan: 
Ko‘ngul haroratin anglatti ohi dardolud, 
Uy ichra o‘t ekanin elga zohir aylar dud. 
Nodiraning mashhur: 
Nigori gulbadanimni tushimda ko‘rsam edim, 
Labi shirinshikanimni tutsshimda ko‘rsam edim 
matla’li g‘azali esa mujtassi musammani maxbuni mahzuf ( v – v – / v v – – / v 
– v – / v v –) vaznidadir.
MUZORI’ (ar. عراضم- o‘xshovchi) – aruz bahrlaridan biri, hazaj bahriga 
o‘xshagani uchun shunday nomlangan. Mafoiylun (v – – –) va foilotun (– v – – ) 
asllarining ketma-ket takroridan hosil bo‘ladi. M. she’riyatimizda ancha keng 

---

 
84 
qo‘llanadigan bahrlardan sanaladi. Navoiyning “Mezon ul-avzon” asarida M.ning o‘n 
ikki vazni, Boburning “Muxtasar”ida yigirma to‘rt vazni misollar bilan ko‘rsatib 
berilgan. “Qissasi Rabg‘uziy”dan boshlab Atoyi, Sakkokiy, Gadoiy, Lutfiy kabi 
mumtoz shoirlar ijodida M. bahrining bir necha vaznlaridan foydalanilgan. Xususan, 
Navoiyning “Xazoyin-ul maoniy” devonidagi 105 ta turli janrdagi she’rlar mana shu 
bahrda yaratilgan. Masalan, Navoiy: 
Ishqu junun erurlar beixtiyor manda, 
Mendurmanu bu ikki, o‘zga ne bor manda. 
baytini muzori’i musammani axrab (– – v / – v – – / – – v / – v – – ) vazniga 
misol sifatida keltirgan.