1-mavzu: Geometrik shakllar bilan ishlashni rivojlantirish
Reja:
1.
Geometriya atamasi va geometrik shakllar haqida tushuncha.
2. Geometrik shakllar yuzasidan beriladigan topshiriqlar.
3. O‘quvchilarni geometrik figuralar bilan tanishtirish metodikasi.
4. Boshlang‘ich sinf yakunida geometrik shakllar
yuzasidan egallanishi kerak
bo‘lgan bilimlar.
Geometriya atamasi va geometrik shakllar haqida tushuncha.
O‘quvchilarni matematika faniga qiziqtirish, befarq qaramasligini ta'minlash
har bir bugungi kun pedagogining vazifasi hisoblanadi. Matematika fanida to‘rt
amalning bajarilishini o‘rgatish
bilan birga shakllar,
ular tuzilishi,
farqini va
o‘lchamini o‘rgatish zaruriyati ham ahamiyatga ega.
Bu geometriya fanining ilk
tushunchalari hisoblanadi. Bunda boshlang‘ich sinf o‘qituvchisining roli nihoyatda
kattadir.
Geometriya yunoncha so‘z bo‘lib "yerni o‘lchash" degan ma'noni bildiradi
("geo" -yer , "metrio" -o‘lchayman).
Nuqta, kesma, siniq chiziq, to‘g‘ri chiziq , ko‘pburchak, uchburchak, to‘g‘ri
to‘rtburchak, kvadrat, aylana, doira, shar, kub
bularning hammasi geometrik
shakldir. Har qanday geometrik shakl nuqtalar to‘plamidan iborat.
Geometrik shakllar ikki turga bo‘linadi:
1)
Yassi geometrik shakllar
2)
Fazoviy geometrik shakllar
