Osiyo xalqaro universitetining

Rais: SH.R.Baratov - kun tartibidagi 2 masala, institut Kengashining 2021-2022 o’quv yili uchun Ish rejasi va tarkibini tasdiqlash to’g’risida.
ES H I T I L D I : Sh.R.Baratov tomonidan Yangi psixologiya va horijiy tillar instituti tashkil etilgani munosabati bilan institut kengashining 2021-2022 o’quv yili uchun 18 nafar (1-ilovada) keltirilgan nomzodlar kengash a’zosi sifatida kengash tarkibiga kiritish, shuningdek, institut kengashining 2021-2022 o’quv yili uchun Ish rejasini tasdiqlash taklifi kiritildi.
Rais: Sh.R.Baratov – 2 masala buyicha kimda qanaqa savollar yoki takliflar bor?
D.Baratova: Institut kengashi ish rejasida kafedralar, bo’limlarning faoliyatini o’rganish kiritilganmi?
Javob: rejada institut kafedra va bo’limlarini o’rganish masalalari ham kengash, ham rektor huzuridagi yig’ilishlarida muhokamaga qo’yiladi.
Takliflar:
D.Baratova- Institut reytingi masalasi va reyting ko’rsatkichlarini oshirish bo’yicha belgilangan vazifalarni bajarilishini ish rejalarga kiritish. Beshta muhim tashabbus doirasida amalga oshirilishi kerak bo’lgan ishlar to’grisida masala kiritish taklifi berildi.
L.Hajdarov- Professor-o’qituvchilarning ilmiy ishlarini bajarilishini tahlil qilish bo’yicha masalalar kiritish kerakligi.
Sh.R.Baratov- kengash rejasiga prorektorlar, bo’lim boshliqlari, dekan o’zlarining takliflarini kiritishsin. Bundan tashqari rejada institutda yosh olimlar tomonidan ilmiy-tadqiqot ishlarining olib borilishi, professor-o’qituvchilarning reytingini o’rganib borish kabi masalalar bo’lishi maqsadga muvofiq bo’lishini ta’kidlab o’tdi.
Institut kengashi Sh.R.Baratovning axborotini tinglab, muhokama qilib, quyidagilarni xulosa qiladi:
- Institut kengashi har oyning oxirgi juma kuni o’tkazilishi.
- Kengash tarkibiga 2021-2022 o’quv yilidan 18 kishi kiritilishi.

Institut kengashi tarkibini tasdiqlash to’g’risidagi axborotni o’rganib chiqib,

Q A R O R Q I L A D I :
1. Institut kengashi raisining, kengash tarkibini tasdiqlash to’g’risidagi axboroti ma’lumot uchun qabul qilinsin.
2. Kengash tarkibi 1-ilovaga muvofiq tasdiqlansin.

3. «Oliy o’quv yurtlarining ilmiy kengashi to’g’risidagi Nizom» ga muvofiq institut kengashi tarkibi buyruq asosida rasmiylashtirilsin. (Muddat: 10-dekabrga qadar)

4. Institut kengashining 2021-2022 o’quv yili uchun Ish rejasini shakllantirishda, institutning asosiy faoliyati doirasidagi barcha jarayonlar qamrab olinganligini inobatga olgan holda institut ilmiy kengashining 2021-2022 o’quv yili uchun Ish rejasi tasdiqlansin.
5. Ushbu qarorning bajarilish nazorati institut rektori Sh.R.Baratovga yuklatilsin.