O’yin texnikasi asoslari

To’pni olib yugurgan paytida urib chiqarish. Hujumchining to’p olib yurish bilan 
o’tishning boshlanish paytida himoyachi raqibga savatga tomon to’g’ridan yo’l qoldirib orqaga 
bir oz chekinadi yoki yengil sakraydi va uni ta’qib qilib, yon chiziqqa qisadi, so’ng himoyachi 
hujumchidagidek tezlik olib va olib yurish maromini aniqlab, maydondan sakragan to’pni 
qabul qilish paytida raqibga yaqinroq qo’li bilan to’pni urib chiqaradi. To’pni hujumchidan 
o’tishning boshlang’ich davrida oraqadan ham urib chiqarish mumkin. 

---

To’pni to’sib olib qo’yish. To’pni uzatish paytida to’sib olib qo’yish, to’pni to’sib olib 
qo’yishning shu usulining muvaffaqiyati avvalo himoyachi harakatining tezligi va o’z 
vaqtidaligiga bog’liqdir. Agar hujumchi to’pni joyida turib kutsa, unga qarshi chiqmasa, unda 
to’pni to’sib olib qo’yish nisbatan qiyin emas keskin harakat qilib, sakrab bir yoki ikki qo’l bilan 
to’pni to’sib olib qo’yish kerak. 
20-rasm. To’pni yerga urib yurilayotganda urib chiqarish.
21-rasm. Maydon yuzasidan sapchiyotgan to’pni urib chiqarish. 
22-rasm. To’pni olib qo’yish. 

---

Odatda hujumchi to’pga yetarli darajada tez chiqadi. Bunday holda himoyachi qisqa 
oraliqda mumkin bo’lgan maksimal tezlikni olib, uchayotgan to’p tomondagi yo’lda raqibning 
o’zi o’tishi kerak. Yelka yoki qo’llar bilan to’p tomonga raqib yo’lini kesadi va to’pga ega 
bo’ladi. 
Hujumchi bilan turtishib ketmaslik uchun, himoyachi, uning yonidan zich (yopishgan) 
holda o’tayotib, yo’n tomonga ancha og’adi. To’pni egallagandan keyin xato qilib qoymasligi 
uchun darhol to’pni urib yurishga o’tishi ma’qul. 
To’pni olib yurganda to’sib olib qo’yish. To’pni olib borayotgan hujumchiga himoyachi 
yetib olgan paytda amalga oshiriladi. Buning uchun unga to’pni urib yurishning tezligi maromi 
moslashishi kerak, so’ng esa, hujumchining orqasidan chiqib, undan bir lahza avval 
hujumchiga yaqinroq qo’li panjasiga sakrayotgan to’pni qabul qilish va o’zi to’pni urib yurishni 
davom ettirishi kerak, lekin boshqa yo’nalishda.