O'zbekiston Milliy Ensiklopediyasi indd

РАҲМОНБЕРГАНОВ 
Каримбер-
ган (1870 — Хива — 1959) — тошта-
рош уста, муҳркан, кандакор. Бобоси 
Худойберган муҳркан ва отаси уста 
Раҳмонберган Худойбергановлар б-н 
бирга ишлаб ҳунар ўрганган. Бобоси б-н 
Хива хони Муҳаммад Раҳим II ва Ис-
фандиёрхон ҳовли саройидаги, Кўҳна, 
Арк, Исломхўжа мадрасаси айвонлари-
даги устунларга мармардан ўйма нақшли 
пойустун (ўратош)лар ишлаган; ота-
си б-н Хиванинг меъморий обидалари 
(Тошҳовли, Кўҳна Арк ва б.)ни таъмир-
лашда қатнашган. Р. Тошкентдаги Наво-
ий театрининг Хива залини безаш учун 
нафис нақшлар б-н безатилган мармар 
намоёнлар яратган. 
РАҲМОНОВ Бахром (1915.5.5 — 
Тошкент — 1961.5.4) — драматург, 
публицист. Тошкент юридик ин-тини 
тугатган (1936). Ўзбекистон Таш-
ки ишлар вазирлигида (1946—48) ва 
«Қизил Ўзбекистон» газ. бўлим муди-
ри, муҳаррир ўринбосари (1948—50). 
Ўзбекистон КП МКда бўлим мудири 
(1950—52). Ўзбекистон Маданият ва-
зирлиги Санъат ишлари бошқармаси 
бошлиғи (1953—55). Ўзбекистон Ёзувчи-
лар уюшмаси котиби (1958—61). «Юрак 
сирлари» (1953) комедияси, «Сурмахон» 
драмаси (1955), «Бир тўй можараси» 
(1956, ҳамкорликда), «Сўнгги нусха-
лар» (1959—60), «Қилмишқидирмиш» 
(1960—61) каби кўп пардали ҳамда «Узи 
бошқаю, сўзи бошқа» (1955), «Ҳасад 
ва муҳаббат» (1957), «Хўжайин кўчди» 
(1958) сингари бир пардали комедиялар 
муаллифи. «Мардлар қиссаси» драма-
си (1958) фуқаролар уруши воқеаларига 
бағишланган. 
РАҲМОНОВ Бекжон, Мулла Бекчон 
(1887, Хива — 1929, Амударё) — Ёш хи-
валиклар партиясининг арбоби, маъри-
фатпарвар. Хивада мадраса таълимини 
олиб, Истанбул дорилфунуни (1913—18)
да таҳсил кўрган. Хоразмга қайтгач, жа-
дидчилик ҳаракатида фаол қатнашган. 
Хивада хонлик тузуми ағдариб ташлан-
гач, ХХСРда маориф вазири (1920—21); 
МИК иш бошқарувчиси (1921 й.дан); 
«Инқилоб қуёши» газ.сининг муҳаррири 
(1920—1921). Унинг ташаббуси б-н Хо-
размда кўплаб мактаблар (ўзбек ва тур-
кман тилларида) очилган, 1921 й. сент.
да Хивада халқ ун-ти ташкил қилинган. 
Урта Осиёда миллийҳудудий чегара-
ланиш ўтказилгач, Хоразм округи (ви-
лояти) халқ маориф бўлими мудири 
(1925—26) ва б. лавозимларда ишлаган. 
Хоразм ўзбекларининг мусиқа тарихи-
га оид тадқиқотлар ва турли дареликлар 
муаллифи. Амударё (кеманинг ичи)да 
совет чекистлари томонидан фожиали 
ўлдирилган.
Ад.: Валидий , Бўлинганни бўри ер 
(Хотиралар), Т., 1997; Маткаримов М., 
Хоразм республикаси: давлат тузилиши, 
нозирлари ва иқтисоди, Урганч, 1993.