O’zbekiston musulmonlari idorasi jo`ybori kalon ayol-qizlar o’rta maxsus islom ta’lim muassasasi

Tadqiqot manbalari: Ushbu bitiruv-malakaviy ishida hanafiy mazhabi 
asosida Usulul-fiqh fani doirasida yozilgan quyidagi mashhur asarlardan birlamchi 
manbalar sifatida foydalanildi. Abul Barakot an-Nasafiyning (vaf. 701/1301) 
“Manor al-anvor”, Abdulloh ibn Mahmudning (vaf. H.y. 683 y. Bog‘dod) “al-
Ixtiyor li taʼlilil-muxtor”, Ahmad ibn Abu Saidning “Kashf al-asror fi sharh al-
manor”, Muhammad Amin Obidinning (1198-1252/1784-1836) “Majmuat rasoil 
Ibn Obidin“ (Ibn Obidinning risolalar to‘plami), Tohir ibn Ahmad al-Buxoriyning 
(482-542/1090-1147) “Xulosat al-fatavo” (Fatvolarning xulosalari) kabi asarlari. 
Zamonaviy asarlardan esa, Muhammad Kamoliddin Ahmad ar-Roshidiy qalamiga 
mansub “al-Misboh fi rasmil-muftiy va manohij al-ifto”, Vahbat az-Zuhayliyning 
“Usulul fiqh al-islomiy” asarlari, Salohiddin Muhiddinning “Usulul fiqh” 
(Toshkent,Adolat. 1997), Shayx Muhammad Sodiq Muhammad Yusufning 
“Usulul fiqh” (Toshkent, Sharq nashriyoti. 2010), al-Qarofiyning “al-Fusul” 
kitobida, Abu Isʼhoq ash-Shotibiyning “al-Muvofoqot” va “al-Iʼtisam” asarlari
va boshqalar. 
7
] Ahmad ibn Abu Said. Kashf ul-asror fi sharh al-manor. –Istanbul: Hanafiy matbaasi, 2008. II-juz 25B 
8
Ref. : Dr. Jamal Badwi. Islamic teaching Course. Lecture No. G-23. 63 B 

---

6 
Tadqiqotning tuzilishi: Mazkur bitiruv-malakaviy ishining tarkibiy tuzilishi 
kirish, ikki bob, har bir bobda uchtadan fasl mavjud, xulosa, foydalanilgan manba 
va adabiyotlar ro‘yxatidan iborat. 

---

7 
I-BOB. Sharʼiy manbalar 
1.1. Shariatda ittifoq qilingan va ixtilofli manbalar 
Islom shariatida barcha Islom ulamolari qaysi mazhabga mansub 
bo‘lishlaridan qatʼiy nazar, insondan sodir bo‘lgan har qanday ishga, u aytgan har 
bir so‘zga, ular ibodat bo‘ladimi, muomila bo‘ladimi, jinoyat bo‘ladimi, jazo 
bo‘ladimi, oilaga taalluqli masala bo‘ladimi, ularga yarasha hukm borligiga ittifoq 
qilganlar. Islom 
olimlarining aytishlaricha, insonlarning qilgan ishlarining hukmi asosan to‘rt 
manbadan chiqariladi. Ular Qurʼon, Sunnat, Ijmoʼ, Qiyosdir.
9
Ushbu to‘rt manbaning sharʼiy manba sifatida hujjat ekanligiga hamda darajalari 
ham shu tartibga ko‘ra ekanligiga hamma olimlar ittifoq qilganlar.
10
Bular 
“Usulul-ahkom”, yaʼni, hukmlarning asli, asosi deb ham aytiladi.
11
Masalan, 
mujtahiddan biror ishning sharʼiy hukmi so‘ralsa, u avval Qurʼoni-karimdan javob 
izlaydi, javob topsa unga binoan hukm qiladi. Agar topmasa, sunnatga murojat 
qiladi, javobi topilsa sunnatga suyangan holda hukm chiqaradi. Agar undan ham 
topilmasa, so‘ralgan ish hukmiga Payg‘ambarimiz (sollallohu alayhi vasallam) 
vafotlaridan so‘ng mujtahidlar aynan o‘sha so‘ralgan ish yuzasidan yakdil fikrga 
kelgan bo‘lsalar shunga ko‘ra javob beradi.
12
Agar bunday ijmoʼ mavjud bo‘lmasa, 
mujtahid u ishning sharʼiy hukmini chiqarish uchun qiyos yo‘li bilan mazkur ishga 
o‘xshash ishlar yuzasidan shariatga berilgan javoblarga ilmiy asosda yondashib, 
har tomonlama mulohaza qilib taqqoslab, o‘zining bor ilmini sarflab javob 
beradi.
13
9
Salohiddin Muhiddin. Usulul fiqh. –Toshkent: Adolat, 1997. B. 12. 
10
Vahbat az-Zuhayliy.Usulul fiqh al-islamiy. –Damashq: Darul-fikr, 2008. II-juz. B. 36 
11
O‘sha asar. B. 14 
12
Payg‘ambar (s.a.v.)ning hayotliklarida ijmo bo‘lmaydi, chunki u zotning o‘zlari har bir savolga javob 
berardilar. 
13
Nodir Nabijon o‘g‘li. Usulul fiqh haqida saboqlar. –Toshkent: Toshkent islom universiteti nashriyot 
matbaa birlashmasi, 2008. B. 10.

---

8 
Mazkur to‘rt asosiy manbaning haqqoniyligiga hamda shu tartibda kelishiga 
Qurʼon oyati dalildir.
14