O‘zbekiston respublikasi bosh prokuraturasi akademiyasi

Urug’-aymoqchilik – davlat hokimiyati organlari tizimini shakllantirish 
asosi, masalan, muayyan vazirlik tizimida rahbardan tortib davlat 
xizmatchisigacha qarindoshlik, urug’-aymoqchilik munosabatida bo’lishi 
tushuniladi. 
Ushbu ta’riflarni “Manfaatlar to’qnashuvining oldini olish to’g’risida”gi 
qonun loyihasi 3-moddasi “Asosiy tushunchalar” qismiga kiritish tavsiya etiladi. 
II. Tashkiliy-huquqiy masalalarga oid xulosa va takliflar: 
1. Davlat xizmatchilari tomonidan “Davlat fuqarolik xizmatlari 
to’g’risida”gi qonunga, korrupsiyaga qarshi taqiq va cheklovlarga, manfaatlar 
to’qnashuvi va korrupsiyaga qarshi qaratilgan boshqa qonun hujjatlariga rioya 
qilinishi ustidan prokuror nazorati o’rnatish amaliyotini yo’lga qo’yish kerak 
ekanligiga qo’shilaman. Shu maqsadda, “Prokuratura to’g’risida”gi qonun
4-moddasi “Prokuratura organlari faoliyatining asosiy yo’nalishlari” qatoriga – 
“korrupsiyaga qarshi kurashishga qaratilgan qonun hujjatlari ijrosi ustidan 
prokuror nazorati” yo’nalishini kiritish lozim. 
2. Komplaens nazorati o’rnatilgan vazirlik va tashkilotlarning rahbarlari 
tomonidan korrupsiyaga qarshi taqiq va cheklovlarni buzib, intizomiy 
javobgarlikka tortilgan davlat fuqarolik xizmatchilarining statistikasiga oid 
ma’lumotlarni Korrupsiyaga qarshi kurashish agentligiga bu haqidagi 
ma’lumotlar taqdim etilishi talab qilinganidan boshlab, 10 kun muddat ichida 
talabni bajarmaganlik uchun ma’muriy javobgarlik belgilash lozim.
3. “Ma’muriy tartib taomillar to’g’risida”gi qonun 31-moddasida 
belgilangan “Rad qilish instituti” ga oid qoidalarni buzib, bila turib, o’z o’zini 
rad qilmay ma’muriy ishni ko’rishni davom ettirganligi uchun davlat fuqarolik 
xizmatchilarini ma’muriy tartibda javobgarlikka tortish mexanizmini amaliyotga 
joriy etish lozim.
4. Mehnat Kodeksining 79-moddasida (Qarindosh-urug‘larning davlat 
korxonasida birga xizmat qilishlarini cheklash) nazarda tutilgan cheklovning 

---

88 
ijrosini ta’minlash hamda manfaatlar to’qnashuvi va korrupsiya holatlarining 
oldini olish maqsadida rotatsiya institutini keng miqyosda qo’llash, majburiy 
rotatsiya qilinishi lozim bo’lgan mansabdor shaxslarning lavozim ro’yxatini
Prezident tomonidan tasdiqlash, rotatsiya qilish asoslarini ichki lokal hujjatlarda 
ko’rsatib o’tish hamda unga oid qoidalarni buzgan shaxslarni davlat xizmatidan 
bo’shatish amaliyotini yo’lga qo’yish lozim. 
5. “Davlat fuqarolik xizmati to’g’risida”gi qonun loyihasi 12-moddasiga 
(“Davlat fuqarolik xizmatchilarining majburiyatlari”) quyidagi normani kiritish 
tavsiya etiladi: 
Davlat fuqarolik xizmatchisining qimmatli qog'ozlarga, bank 
omonat jamg’armalariga ega bo'lishi manfaatlar to'qnashuviga olib kelgan yoki 
olib kelishi mumkin bo'lgan taqdirda, davlat fuqarolik xizmatchisi o'z qimmatli 
qog'ozlarini, bank omonat jamg’armalarini fuqarolik qonunchiligiga muvofiq 
ishonchli boshqaruvchiga topshirishi lozim.