O’zbekiston respublikasi ichki ishlar vazirligi

Миллий гвардия қўриқлаш бўлинмалари томонидан объектларни қўриқлашни ташкил этиш тўғрисида Йўриқномага
2-Илова



Ўзбекистон Республикаси Миллий гвардия қўриқлаш хизмати ходимларининг Наъмунавий хизмат мажбуриятлари
1-§. Қўриқлаш саф бўлинмаларини хизмат мажбуриятларини белгилаш тартиби

1. 
   Ушбу наъмунавий хизмат мажбуриятлари билан Ўзбекистон Республикаси Миллий гвардия қўриқлаш бўлинмаларига юклатилган мажбуриятларни бажаришда ходимлар масъулиятини ошириш ҳамда барча бўғиндаги раҳбар ходимларнинг хизмат фаолиятини ташкил этиш ва ўқув-тарбиявий ишларни олиб боришда жавобгарликлари белгиланади.
   
2. 
   Қорақалпоғистон Республикаси, Тошкент шаҳар ва вилоятлар қўриқлаш бошқармалари қуйи ҳудудий қўриқлаш тизимлари фаолияти устидан умумий бошқарув ва назоратни амалга оширади. Улардаги штат-лавозимлар бўйича хизмат мажбуриятлари бошқармалар Низомига асосан ишлаб чиқилади.
   

Қўриқлаш бошқармалари бошлиқлари, уларнинг ўринбосарлари, раҳбар ва инспекторлик таркиби ходимлари, ўзлари бириктирилган шаҳар-туман қўриқлаш бўлинмаларининг умумий фаолияти ва хизматни ташкил этиш, назорат қилиш ва нарядлар фаолиятини назорат қилиш ишлари (шахсан текшириш)га масъул ҳисобланади.

3. 
   Шаҳар-туман қўриқлаш (алоҳида саф) бўлинмалари раҳбарлари ва ходимларининг хизмат мажбуриятлари штат-лавозимларга юклатилган вазифалар ҳажми, уларни бажариш шарт-шароитидан ва Миллий гвардиянинг меъёрий буйруқлари талабларидан келиб чиққан ҳолда ишлаб чиқилади.
   

Ходимларнинг хизмат мажбуриятлари ишлаб чиқилишида, мавжуд офицерлар, сержантлар таркиби ва муҳандис-техник ходимларнинг ҳар бир штат-лавозими бўйича мажбуриятлари аниқ кўрсатилади.

4. 
   Қўриқлаш бошқармаси Низоми ва ташкилий-штат тузилишидан келиб чиққан ҳолда тузилган хизмат мажбуриятлари Қўриқлаш бош бошқармаси бошлиғи томонидан тасдиқланади.
   

Қўриқлаш бошқармасига бевосита буйсунувчи алоҳида саф бўлинмалари хизмат мажбуриятлари, ушбу саф бўлинмаси Низомида кўрсатилади ва Низом қўриқлаш бошқармаси бошлиғи томонидан тасдиқланади.

5. 
   Бўлинма командири, сафдор-ходим, ходим-ҳайдовчи штат-лавозимлари бўйича хизмат мажбуриятлари, уларнинг хизмат ўташ жойлари ҳисобга олиб, пост (йўналиш) жойлашуви ва режим йўриқномасида белгилаб берилган мажбуриятлардан келиб чиққан ҳолда ёзилади
   
6. 
   Хизмат мажбуриятлари ягона нусхада тасдиқланиб, рўйхатдан ўтказилади ва тегишлилиги бўйича қўриқлаш тизимлари канцелярисида сақланади. Ходимлар ўз хизмат мажбуриятлари билан алоҳида қайдномага имзо қўйган ҳолда танишиб чиқади ва тегишли нусҳасини ҳар бир ходим ўз хизмат ҳужжатлари билан сақлайди.
   

Хизмат мажбуриятлари фақат уни тасдиқлаган шахс ва қўриқлаш тизимининг ташкилий-штат тузилиши ўзгарганда қайта тузилади.
Қўриқлаш хизматини такомиллаштириш, «хўжалик идоралари»га кўрсатилаётган хизмат самарадорлигини ва бу борада бевосита ходимларнинг маъсулиятини ошириш, хизмат фаолиятини такомиллаштирилиши, замонавий техника воситаларини жорий этилишини эътиборга олиб, «хизмат мажбуриятлари» ҳар беш йилда қайта кўриб чиқилиб, янгилаш тавсия этилади.
Хизмат тақазоси билан ташкилий-штат тузилмаси ўзгармаган ҳолда қўшимча киритилган офицер ва сержант штат-лавозимлар бўйича хизмат мажбуриятлари ишлаб чиқилиб, асосий «хизмат мажбурияти»га бириктирилади.

7. 
   Алоҳида саф бўлинмалари ва ҳарбийлаштирилган қўриқлаш бўлинмалари штат-лавозимларига тайинлаш (озод этиш) ва бўшатиш лавозим-штат тасарруф рўйхатига асосан амалга оширилади. Алоҳида саф бўлинмалари командирлари, отряд (алоҳида команда) бошлиқлари қўриқлаш бошқармаси (бўлими) бошлиқлари буйруғи билан ўз хизмат мажбуриятларини бажаришга киришадилар.
   
8. 
   Алоҳида саф бўлинмалари командирлари, отряд, команда бошлиқлари ўз лавозим мажбуриятларини, хизмат қуроли ва хўжаликдаги моддий-товар бойликларни қабул қилиш-топшириш учун қўриқлаш бошқармаси бошлиқлари буйруғи билан комиссия тузилади.
   
9. 
   Комиссия аъзолари иштирокида лавозим вазифаси, ишни қабул қилиш ва топшириш бўйича тузилган далолатномада қуйидагилар ифода этилади:
   

алоҳида саф бўлинмаси, отряд (команда)нинг штат бирлиги ва мавжуд таркиби;
объектни қўриқланиш аҳволи;
шахсий таркибнинг интизомий ва хизмат тайёргарлигининг аҳволи;
қурол ва ўқ-дориларнинг аниқ сони ва улардан фойдаланиш аҳволи;
бўлинма ҳисобидаги автотранспорт, хизмат итлари, моддий техника ва бошқа жиҳозларнинг мавжудлиги ва уларнинг аҳволи;
қабул қилувчи ва топширувчи бошлиқларнинг имзолари.

10. 
    Далолатнома уч нусхада тузилиб, бир нусхаси қўриқлаш бошқармага, бир нусхаси ҳудудий қўриқлаш бўлинмасига топширилади. Бошқа нусҳаси хизмат вазифаларини топширган масъул ходимда қолдирилади.
    
11. 
    Алоҳида саф бўлинмаси ёки отряд таркибига кирувчи саф бўлинмаси командирлари, команда бошлиқлари, гуруҳ командирлари (бошлиқлари) йиғма жилдлар ва лавозимни топшириш-қабул қилишни мазкур ҳудудий қўриқлаш бўлинмаси бошлиғининг буйруғига мувофиқ, алоҳида комиссия тузилмаган ҳолда амалга оширади.
    

Йиғма жилдлар ва лавозимни қабул қилиш-топшириш тўғрисида, қабул қилиб олиш тўғрисидаги далолатнома илова қилинган ҳолда билдирги билан ахборот берилади.