O‘zbekiston respublikasi madaniyat va sport ishlari vazirligi

B)  Maktab  hujjatlarini  tahlil  qilish  metodi.  Eksperiment,  tajriba  -  sinov 
metodi. 
Maktab hujjatlarini tahlil qilish metodi  - qator yillar davomidagi materiallarni 
o‘rganish  maktab,  litsey,  kollej  o‘qituvchi,  murabbiy,  metodist,  psixolog, 
o‘quvchining  faoliyatini ta'riflab berish uchun benihoyat qimmatli ma'lumot beradi. 
Har  bir  ta'lim  muassasining  arxivida  saqlanib  kelayotgan  o‘zining  tarixiy  qiymati 
baland  xalq  maorifiga  oid  hujjatlar,  kafedra,  bo‘lim,  fakultet  xujjatlari  hozirgi 
vaqtdagi  pedagogik  jarayon  holatini,  uning  o‘tmishdagi  holatdan  farqli  o‘laroq 
qiyosiy  tarzda  yorituvchi  aniq  ilmiy  ahborot  to‘plashga,  har  bir  o‘quvchi-talaba  shu 
yerda  tahsil  olayotganda  har  bir  qadamini  bilib  olishga  imkon  beradi.  Shu 
materiallardan pedagog tadqiqotchi o‘quvchilarning umumiy miqdori, ijtimoiy tarkibi, 
ularning  o‘sishlari  yoki  kamayish  sabablari  tavsifi,  o‘quvchilarning  fanlar  bo‘yicha 
o‘zlashtirish  darajasi,  a'lochi  va  qoloqlar,  iqtidorli,  olimpiada  qatnashchilari  har  bir 
o‘quv  yiliga  qarab  soni,  muassasaning  ilmiy-pedagogik  va  moddiy  baza  bilan 
ta'minlashini  aniqlab  olishi  mumkin.  Tadqiqotchi  pedagog    maktab  holatini  va  unda 

---

77 
 
tashkil  qilgan  ta'lim-tarbiya  jarayonini  o‘rganishda o‘qituvchilar  ishini  aks  ettiruvchi  
materiallar, ya'ni davlat ta'lim standartlari, o‘quv mashg‘ulotlarning jadvallari, o‘quv 
tartibi  qoidalari  va  nizomlari,  o‘quv  reja,  dastur,  konspekt,  ma'ruza  matni,  bo‘lim, 
kafedra,  fakultet,  pedagogik  kengashining  bayonnomalari,  yoritilgan  darslik  va 
qo‘llanmalar,  o‘qituvchi,  kurator,  metodist,  psixolog,  tarbiyachilar  o‘quv-tarbiyaviy 
ishlari to‘g‘risidagi kundalik va hisobotlarni so‘rab tadqiqiy o‘rganadi va taqqoslaydi.