O`zbekiston respublikasi maktabgacha ta`lim vazirligi maktabgacha ta`lim muassasalarida ta`lim jarayonini mavzuviy rejalashtirish (tayyorlov guruhi) Toshkent 2018 yil

Maqsad: diqqatni, xotirani rivojlantirish, lug`at boyligini boyitish.
Jihoz va materiallar: ikki kategoriyadagi turli so`zlar tasvirlangan rasmlar: svetafor(slovar: uchta ko`z, ko`chada turibdi,choraha, havo rang, bir oyoq, sariq rang, qizil rang, yo`ldan o`tish, piyodaning yordamchisi, yashil rang, uyda turibdi), yo`lovchi.
(lug`at: avtobus, marshrut, bekat, yo`l, o`qish, uyqu, chipta, chiptachi, samolyotda uchish, piyoda, o`rindiq, salon, krovat)
Faoliyatning olib borilishi:

1. 
   Bolalar orasidan olib boruvchini belgilash.
   
2. 
   Tarbiyachi tomonidan o`yin qoidasini tushuntirish: boshlovchi rasmli kartochkani ko`rsatadi, bolalar esa svetaforga oid so`z bo`lsa bir marta, agar «yo`lovchi»ga oid so`z bo`lsa ikki marta chapak chaladilar.
   
3. 
   Har bir so`z tanlanishini tushuntiriladi.
   
4. 
   So`zlar ishtirokida hikoya tuzish: ertalab, nonushta, bolalar bog`chasiga yo`l, piyodalar yo`lakchsi, non do`koni, dorixona, choraha, yer osti o`tish yo`li, svetafor, bolalar bog`chasi.
   

Qo`shimcha qism: tarbiyachi mavzuga oid so`zlar talafuzini mustahkamlash bilan birga bolalarni jamoat joylarida o`zini tutish madaniyatiga rioya qilishni o`rgatadi: transportda yo`l haqqini to`lash, kattalar turganda o`tirish mumkin emasligi va boshqalar.
E`tiborga molik jihati:

1. 
   So`zlarni to`g`ri talaffuz etish.
   
2. 
   Tasavvurni rivojlantirish.
   
3. 
   Hayot xavfsizligi saboqlariga amal qilish.
   

Fan va tabiat markazi
«Gulxan havoni ifloslantiradi» (ekologik tarbiya)
Maqsad: Havo hususiyatlari bilan tanishish, xaltaga havoni to`ldirish. Havo is gazlari, olovdan ifloslanadi, ammo ifloslangan havoni o`simliklar yordamidamida tozalash mumkin.
Jihoz va materiallar: har bir bolaga xalta(paket), gogurt, mavzuga oid rasm, «Tabiat havoni tozalaydi» mavzusida slayd.
Faoliyatning olib borilishi:

1. 
   Xaltani havoga to`ldirish va uni kuzatish.
   
2. 
   «Havoning ifloslanishi va uni tozalanishi» mavzusida rasmlarni ko`zdan kechirish.
   
3. 
   Havoning ifloslanishi bo`yicha tajriba o`tkazish.
   
4. 
   Shag`amni yoqish va olov ustida oyna yoki chinni piyolani tutib turish( bir oz vaqt o`tgach bolalar predmet qorayishini va qorakuya bilan qoplanishini ko`radilar)
   
5. 
   O`tkazilgan tajriba muhokamasi( yana nima havoni ifloslantiradi? -
   

avtomobillarda chiqadigan is gazlari, sigaretlar, yong`inlar, zavodlardan chiqadigan tutunlar, axlat uyumlari va boshqalar)

6. 
   Bolalar xulosasi: havoni muhim tozalash vositasi va kislorod yetkazib beruvchi
   

o`simliklar hisoblanadi.

7. 
   Bog` maydonchasidadaraxt ko`chatini ekish.