O‘zbekiston Respublikasi Markaziy banki Boshqaruvining qarori

§ 4. Qimmatli qog‘ozlarni saqlash bilan bog‘liq operatsiyalar hisobi
46. Banklar mijozlar bilan tuziladigan shartnomalar asosida qimmatli qog‘ozlarni saqlashi mumkin. Mijozlardan qimmatli qog‘ozlar saqlash uchun qabul qilinganda nominal qiymati bo‘yicha quyidagi buxgalteriya o‘tkazmasi amalga oshiriladi:

	Dt	93616	—	«Davlatning shartli tarzda saqlanayotgan qimmatli qog‘ozlari»; yoki
		93623	—	«Saqlanayotgan xususiy qimmatli qog‘ozlar/tijorat hujjatlari»;
	Kt	96379	—	«Saqlanayotgan qimmatli qog‘ozlar va boshqa qimmatbaho buyumlar bo‘yicha kontr-hisobvaraq».

47. Qimmatli qog‘ozlar saqlashdan chiqarilib mijozga qaytarilganda nominal qiymat bo‘yicha quyidagi buxgalteriya o‘tkazmasi amalga oshiriladi:

	Dt	96379	—	«Saqlanayotgan qimmatli qog‘ozlar va boshqa qimmatbaho buyumlar bo‘yicha kontr-hisobvaraq»;
	Kt	93616	—	«Davlatning shartli tarzda saqlanayotgan qimmatli qog‘ozlari» yoki
		93623	—	«Saqlanayotgan xususiy qimmatli qog‘ozlar/tijorat hujjatlari».

48. Saqlash operatsiyalarini amalga oshirishdan olingan daromadlar 45294 — «Boshqa ko‘rsatilgan xizmatlar va vositachilik uchun olingan daromadlar» hisobvarag‘ining «Bankning qimmatli qog‘ozlarni saqlash bo‘yicha bajargan operatsiyalaridan olingan daromadlar» alohida shaxsiy hisobvarag‘ining kreditida hisobga olinadi.