O‘zbekiston Respublikasi Mustaqilligining 31-yilligi munosabati bilan

#Qo’ng’iroq chalinadi


Boshlovchi: Barchangizni 2022-2023-o‘quv yilining ilk darsiga chorlab qolamiz. Aziz o‘quvchilar, sizlarga yangi o‘quv yilini a’lo baholarga o‘qib, Vatanimizning yanada rivojlanishi uchun o‘z hissasini qo‘shadigan dono farzandlar bo‘lib yetishingizni tilab qolamiz.


#Tamom

Assalomu alaykum, aziz ustozlarim, jonajon maktabimning hurmatli mehmonlari, uka-singillarim.

Hozir men sizlarga havas bilan qarab turibman, lekin sizlarning safingizda afsuski, bo’lolmayman. Bu esa hayot qonunidir. Bundan uch oy oldin men kabi 36 nafar o’g’il qiz mana shu joyda o’quvchi edik. Bugun esa ko’pchiligimiz Oliy ta’lim maskanlarining talabasi degan nomga ega bo’ldik. Bunda birinchi navbatda hurmatli o’qituvchilarimning bergan bilimi va mehnatini ko’ramiz. Hayotni har qaysi joyida faqatgina ilm bizga yordam berar ekan. Hadislarimizda ham “Ilmdan boshqa najot yo’q va bo’lmagay”, deyilgan. Hususan, test sinovlarida ham maktabda o’rgangan fanlarim, ustozlarim o’giti yordam berdi. Shuning uchun siz, uka-singillarimga vaqtni boy bermang, o’qing va yana o’qing deyman.

Fursatdan foydalanib, Mustaqillik bayrami, Birinchi qo’ng’iroq bilan barchangizni tabriklayman. Yana bir bor hurmatli ustozlarimizga minnatdorchilik bildirib, rahmatlar aytaman.

Boshlovchi: –
Endi maktabimiz o’quvchi-yoshlarini suhbatga chorlasak.
Bolalar, Vatan deganda nimani tushunasiz?


1 – o‘quvchi: – Vatan bu kindik qonimiz to‘kilgan tuproq


2 – o‘quvchi: – Vatan – bu ko‘chamiz, uyimiz, turar joyimiz, maktabimizdir!


3 – o‘quvchi: – Vatan – bu muqaddas Ona tilimizdir!


4 – o‘quvchi: – Vatan – bu ona tabiat in’om etgan barcha boyliklar va nozu ne’matlar!