O‘zbekiston respublikasi oliy va o‘rta maxsus ta’lim vazirligi farg‘ona politexnika instituti ishlab chiqarishda boshqaruv fakulteti

2 – MAVZU: STATISTIK KUZATISH USLUBIYaTI.
Mavzuni o’rganganlik darajasini bilish uchun savollar.
1. Statistik kuzatish nima?
2. Kuzatishning tashkiliy shakllarini aytib bering?
3. Kuzatishni qanday turlari bor?
4. Kuzatish usullarini sanab bering?.
5. Kuzatish ob’ekti va birligi nima?
6. Kuzatish dasturi va rejasi haqida gapirib bering?
7. Kuzatishning tashkiliy masalalari sanab bering?
8. Kuzatish maqsadi va vazifalarini aytib bering?
9. Kuzatish formulyari, anketasi qanday tuziladi?
10. Kuzatish ma’lumotlarini tekshirish qanday amalga oshiriladi?
Mavzuga doir masalalar.
1 - Masala. FarPI talabalarining o’zlashtirishini o’rganish maqsadida 1- 2 kurs talabalarining qishki imtihon sessiyasi natijalari bo’yicha: kuzatish ob’ektini, to’plam birligini aniqlang va kuzatish dasturini tuzing.
2-Masala. Quyidagi statistik kuzatish birliklarining eng muhim belgilarini ko’rsating:
a) ishlab chiqarish korxonasi;
b) oliy o’quv yurti;
v) maktab;
g) kutubxona;
d) ishchi;
e) talaba.
3-Masala. To’qimachilik korxonasida dastgohlardan foydalanish darajasini o’rganish maqsadida kuzatish o’tkazildi. Korxona statisti kuzatish usullaridan qaysi biridan foydalanishi maqsadga muvofiq bo’ladi? Javobingizni asoslab bering.
4 - Masala. Talabalar dam olishini va o’qishini yaxshiroq tashkil qilish maqsadida ularni vaqt byudjetini o’rganish dasturini tuzing.
5 - Masala. Sanoat korxonalari ro’yxatini, savdo korxonalari ro’yxatini va maktablar ro’yxatini ifodalash maqsadida statistik kuzatish rejasini tuzing, kuzatish birligini, ob’ektini, maqsadini hamda vazifalarini aniqlang. Kuzatish formulyari yo’riqnomasini va dasturini tuzing.
6 - Masala. Aholining turmush darajasini o’rganish maqsadida oilalarda statistik kuzatish o’tkazish dasturi, rejasi loyihasi, hamda to’ldirilishi lozim bo’lgan statistik jadvallar maketlarini tuzing.