Oʻzbekiston respublikasi oliy va oʻrta maxsus taʻlim vazirligi nizomiy nomidagi toshkent davlat pedagogika universiteti pedagogika va psixologiya fakulteti

2.2. Frustratsion reaksiyalar shakllanishiga ta’sir etuvchi omillarning o’zbek psixologlari tomonidan o’rganilishi

Shaxsning ehtiyojlari qondirilishi yoki qondirilmasligi natijasida ruhiyatida psixik o‘zgarishlar vujudga keladi. Bu psixik o‘zgarishlar uning emotsional-hissiy sohasida ko‘rinadi. Ayniqsa, kuchli darajadagi intilish va ketma-ket muvaffaqiyatsizliklar natijasida shaxsda hissiy zo‘riqishlar vujudga keladi.

Shaxsning hissiy zo‘riqishlarini o‘rganish muammosiga mamlakatimiz psixologlari tomonidan ham alohida e’tibor qaratilgan. Jumladan, E. G‘oziyev emotsional holatlarning turli psixologik yo‘nalish vakillari tomonidan o‘rganilganligini tahlil qilib, psixik holatlarning tabiati va xarakterli xususiyatlari haqida o‘z qarashlarini ifoda etgan .

V. M. Karimova salomatlik psixologiyasi nuqtayi nazaridan psixologik zo‘riqishlarning inson salomatligiga ta’siri muammosini tadqiq qilib, psixik salomatlikni ta’minlash yo‘llari va usullari haqida keng ma’lumotlar keltirgan. M. Asranbayeva psixik zo‘riqishlar muammosini patopsixologiya masalalarini o‘rganish bilan bog‘liq holda tahlil qilgan va bu masalani psixologiyaning qator tarmoqlari, jumladan, umumiy psixologiya, yosh psixologiyasi va boshqa sohalardagi tadqiqotlarning yoritilishiga katta e’tibor qaratgan.