O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi j. R. Qulmuhamedov, K. M. Nazarov
Download 2.72 Mb. Pdf ko'rish
|
True
|
UO‘K 3541.811.122(075.32)
KBK 39.808ya721 ISBN 978-9943-4465-7-1 © J.R.Qulmuhamedov va boshq., 2012. © «Niso Poligraf» nashriyoti, 2016, 2017. 3 KIRISH O‘zbekiston Respublikasi mustaqillikka erishgandan so‘ng ijtimoiy-iqtisodiy va siyosiy o‘zgarishlar hayotga izchil joriy etila boshlandi. Respublikaning bozor iqtisodiyotiga o‘tib borishi, xususiy mulkchilik va avtomobil sanoatining vujudga kelishi, chet ellar bilan teng huquqli iqtisodiy aloqalarning yo‘lga qo‘yilishi, fuqarolarning moddiy farovonligi ortib borishi tabiiy ravishda avtomobil yo‘llarida va shahar ko‘chalarida harakat miqdorining (yangi tayyorlanayotgan haydovchilar hisobiga) ortib borishiga olib kelyapti. Bir paytlar respublika bo‘yicha har 1000 nafar aholiga 35 dona yengil avtomobil to‘g‘ri kelgan bo‘lsa, bugungi kunda bu ko‘rsatkich yanada ortib boryapti. Hozirda Toshkent shahri va viloyatining o‘zida har 1000 nafar aholiga 100 donadan ko‘p yengil avtomobil to‘g‘ri kelyapti. Bu ko‘rsatkichga hozirda foydalanilayotgan yuk avtomobillari va avtobuslarning miqdori qo‘shilsa, aholining ma’lum bir qismini va ularning yuklarini xususiy tashuvchilar tashiyotganini hisobga olinsa, sodir etilayotgan yo‘l-transport hodisalarining 75% haydovchilarning aybi bilan sodir etilayotganini e’tiborga olinsa, haydovchilarni tayyorlash va qayta tayyorlash masalasi – eng dolzarb masala ekanini ko‘rish mumkin. Ushbu o‘quv qo‘llanma yuqoridagi masalani hal etishga qaratilgan dastlabki qadam bo‘lib, unda avtomobillarni boshqarish jihozlaridan foydalanish texnikasi, avtomobillarni har xil yo‘l sharoitlarida xavfsiz boshqarish asoslari, yo‘l-transport hodisalari, ularning turlari va tahlili, avtotransport korxonalarida harakat xavfsizligini ta’minlash kabi masalalar ko‘rib chiqilgan. Mualliflar o‘quv qo‘llanmani tayyorlashda va chop etishga tavsiya berishda o‘zlarining tanqidiy mulohazalari va ko‘rsatmalari bilan ishtirok etgan t.f.n. dotsent N.F. Muxitdinovga, t.f.n., dotsent D.M. Darabovga, TAUKHK o‘qituvchilari J. Samiyevga, S.O. Mirshaxo‘jayev va D.R. Xamrayevga o‘z minnatdorchiliklarini bildiradilar. |
