135
XII BOB. BUDJET MABLAG‘LARI BO‘YICHA JORIY YILGA
MOLIYAVIY NATIJALAR HISOBI
Mavzuning maqsadi: Budjet mablag‘lari bo‘yicha moliyalashtirilgan pul
mablag‘larining ishlatilishi va ularning ustidan olib boriladigan nazoratning
ahamiyati, Budjet mablag‘lari bo‘yicha moliyaviy natijalarning shakllanish tartibi,
Budjet mablag‘lari bo‘yicha moliyaviy natijalarni shakllantirishning analitik
hisobi, ularni hujjatlashtirish tartibi bo‘yicha tasavvur va bilimga ega bo‘lish,
ko‘nikma va malaka shakllantirish
Tayanch tushunchalar va iboralar:
Yakuniy moliyaviy natija - bu Budjet tashkilotining
hisobot yili yakunida
daromadlar va xarajatlar smetalari ijrosi bo‘yicha daromadlar bilan haqiqiy xarajatlar
o‘rtasida yuzaga keladigan farqidir.
Respublika Budjeti deganda davlat Budjetining umumdavlat tusidagi
tadbirlarni moliyalashtirish (mablag‘ bilan ta’minlash)da foydalaniladigan qismi bo‘lib,
unda daromadlar manbalari
va ulardan tushumlar miqdori, shuningdek moliya yili
mobaynida aniq maqsadlar uchun ajratiladigan mablag‘lar sarfi yo‘nalishlari va miqdori
nazarda tutiladi.
Qoraqalpog‘iston Respublikasining Budjeti deganda davlat Budjetining
Qoraqalpog‘iston Respublikasi pul mablag‘lari fondini
tashkil etuvchi bir qismi
bo‘lib, Budjetda daromadlar manbalari va ulardan tushumlar miqdori,
shuningdek
moliya yili mobaynida aniq maqsadlar uchun ajratiladigan mablag‘lar sarfi yo‘nalishlari
va miqdori nazarda tutiladi.
Mahalliy Budjet deganda Davlat Budjetining tegishli viloyat, tuman,
shahar
pul mablag‘lari fondini tashkil etuvchi, bir qismi bo‘lib, unda daromadlar manbalari
va ulardan tushumlar miqdori, shuningdek moliya yili
mobaynida aniq maqsadlar
uchun ajratiladigan mablag‘lar sarfi yo‘nalishlari va miqdori nazarda tutiladi
Moliya yili deganda esa birinchi yanvardan o‘ttiz birinchi dekabr kuni
oxirigacha bo‘lgan vaqtni o‘z ichiga oluvchi davr tushuniladi.
