Oʻzbekiston respublikasi oliy va oʻrta maxsus taʼlim vazirligi toshkent kimyo-texnologiya instituti

8. Sut assortimentini qalbakilashtirish qanday usullar bilan amalga oshirilishi mumkin?

1. 
   sutning bir turini boshqasiga almashtirish; yogʻi olinmagan sutni normallashtirilgan yoki hatto yogʻi olingan sutga almashtirish; quyuqlashtirilgan mahsulotlarning bir turini boshqasiga almashtirish
   
2. 
   quyuqlashtirilgan mahsulotlarning bir turini boshqasiga almashtirish;
   
3. 
   qadoqdagi maʼlumotlarni notoʻgʻri koʻrsatish
   
4. 
   sutning bir turini boshqasiga almashtirish; yogʻi olinmagan sutni normallashtirilgan yoki hatto yogʻi olingan sutga almashtirish; miqdorini notoʻgʻri koʻrsatish
   
5. 
   yogʻi olinmagan sutni normallashtirilgan yoki hatto yogʻi olingan sutga almashtirish;
   

9. Sutning va sut mahsulotlarining miqdorini qalbakilashtirish qanday usullar bilan amalga oshiriladi?

1. 
   suv aralashtirish; yogʻ miqdorini kamaytirish; begona komponentlarni aralashtirish;
   
2. 
   sutning bir turini boshqasiga almashtirish; yogʻi olinmagan sutni normallashtirilgan yoki hatto yogʻi olingan sutga almashtirish;
   
3. 
   quyuqlashtirilgan mahsulotlarning bir turini boshqasiga almashtirish
   
4. 
   bolalarga atalgan quruq sut aralashmasining retseptura tarkibini buzish
   

3.3. Goʻshtni va goʻsht mahsulotlarini identifikatsiyalash va qalbakilashtirish

Oxirgi yillarda Oʻzbekistonda goʻsht sotish hajmi va assortimenti ancha oshdi. Isteʼmolchi tomonidan doimiy talab mavjud boʻlib turgan goʻsht bozorida goʻshtning har-xil turlari mavjud boʻlib, xaridor baʼzan ana shu xilma-xil mahsulotdan sifatlisini tanlab olishga qiynaladi. Agar avvallari oddiy isteʼmolchida goʻsht topish imkoniyati kam boʻlgan boʻlsa va u goʻshtni asosan qaynatma kolbasa tarzida isteʼmol qilgan boʻlsa, hozir natural goʻsht tanlash imkoniyati ancha katta. Shu sababli goʻsht sotuvchida goʻshtni suv, qon, havo va shu kabilar bilan qalbakilashtirish yoki oʻzi sotayotgan goʻsht hajmini oshirish vasvasasi paydo boʻladi.

Hozirgi kunda Oʻzbekiston bozorlariga kelayotgan barcha turdagi goʻshtning haqiqiyligini har tomonlama ekspertiza qilish bilan bogʻliq muammolar mavjud. Goʻshtning haqiqiyligini ekspertiza qilish vaqtida quyidagi tadqiqot maqsadlariga erishish mumkin:

• 
  Goʻsht turini identifikatsiyalash;
  
• 
  Qalbakilashtirish usullari va ularni aniqlash yoʻllari.
  

Goʻshtning turini identifikatsiyalash maqsadida uning haqiqiyligini ekspertiza qilganda ekspert oʻzi uchun bunda hal qilinadigan vazifalar doirasini hamda oʻz ixtiyoridagi usullarni belgilab olishi kerak.