Sp Gibridlanish–bitta 2s vabitta 2p orbitalining kombinatsiyasi natijasida gibridlanishning yuzaga kelishi.
Tetraedrik model – oddiy bog’lar tetraedrning cho’qqilariga, qo’shbog’ tetraedrning tomonlariga uchbog’ esa uning qirralariga yo’nalganligini ifodalaydi.
Organik ionlar – kimyoviy bog’larning geteropolyar uzilishi natijasida hosil bo’lgan musbat va manfiy zarrachalar.
Organik radikallar- kimyoviy bog’larning gomopolyar uzilishi natijasida hosil bo’lgan toq elektronli zarrachalar (atom yoki molekulalar).
Gomologik qator – tuzilishi va hosssalari o’xshash, bir-biridan CH2 guruh (gomologik farq) bilan farqlanuvchi cheksiz sondagi birikmalar to’plami.
Funksional guruh – moddalarning asosiy kimyoviy xossalarini ifodalovchi atom yoki atomlar to’plami.
Alifatik (atsiklik) birikmalar – ochiq zanjrli organik birikmalar.
Siklik (alisiklik) birikmalar – tarkibida halqasimon tuzilishli strukturalari bo’lgan organic birikmalar.
Karbosiklik birikmalar – faqat uglerod va vodorod atomlaridan iborat halqasimon birikmalar.
Aromatik birikmalar – umumiy formulasi CnH2n-6 ga muvofiq keluvchi halqasimon birikmalar.
Geterosiklik birikmalar – tarkibida S, N, O va boshqa atomlar bo’lgan halqasimon tuzilishli moddalar.
Reaksiya mexanizmi – moddalarning o’zaro ta’sirlashish tartibini, yo’nalishi va bosqichlarini ifodalaydi.
Elektron siljish – molekulada atomlar yoki atomlar guruhi ta’sirida kimyoviy bo’g’lardagi elektronlar juftining siljishi.
Elektron tutashuv – molekuladagi bir nechta qo’shbog’larning o’zaro ta’siri natijasida elektronlar zichligining o’zgarishga uchrashi (qayta taqsimlanishi).
Induktsion effekt – molekuladagi atomlarning elektromanfiyli xususiyati ta’sirida kimyoviy bo’gning qutblanishi.
Nukleofil (elektrodonor) reagentlar – kimyoviy reaktsiyalarda o’z elektron juftini kimyoviy bog’ hosil qilish uchun bera oladigan moddalar.
Do'stlaringiz bilan baham: |
