O„zbekiston respublikasi oliy va o`rta maxsus ta`lim vazirligi toshkent viloyati chirchiq davlat pedagogika instituti t. S. Achilov
5.12 O„zbek kurashi darslarini o„tkazish usuliyoti
Download 1.73 Mb. Pdf ko'rish
|
d78ef145e8e3e2a0f9bb66e844af54a2 KURASH TURLARI VA UNI O`QITISH METODIKASI (MILLIY KURASH)
104 5.12 O„zbek kurashi darslarini o„tkazish usuliyoti Darsni o‗tkazish metodikasida mashg‗ulotning asosiy formasi sifatida darsning strukturasini, vazifasi va dars qismlarining mazmunini hamda uni amalga oshirishning uch vazifasini – darsga tayyorgarlik, uni o‗tkazish va yakunlash vazifalarini yaxshi tushunish muhimdir. Darsning strukturasi. Darsning tuzilish mazmuni o‗quvchilar kontingentini va ularning ishchanlik qobiliyatini hisobga olgan holda vaqtdan maqsadga muvofiq foydalanishiga asoslanadi. Darsning tuzilishi deganda, muayyan tartibda, ancha maqsadga muvofiq izchillikda joylashtirilgan darsning o‗zaro bog‗langan qismlari tushuniladi. Dars strukturasida o‗qituvchi-trener hatti-harakatlarining izchilligi, o‗zaro bog‗liqligi bayon qilinadi va ochib beriladi, shuningdek, shug‗ullanuvchilar bajaradigan hamda ishlar aytib o‗tiladi. Dars vazifalarining muvoffaqiyatli hal etilishi darsda o‗qituvchi bilan o‗quvchilar o‗rtasidagi o‗zaro munosabatlarning to‗g‗ri qo‗yilishiga bog‗liq. O‗qishning birinchi yili o‗quv-trenirovka darslari 90-100 minut, ikkinchi yili 100- 120 minut, uchinchi yili 120-150 minut davom etadi. O‗quv-trenirovka va tarbiya vazifalarini hal etishda darsning uch qismi tuzilishdan foydalaniladi. Bu shug‗ullanuvchilar organizmning ishga normal kirishini, asosiy nagruzkalarning bajarilishi va nisbatan tinchlanishini ta‘minlaydi. Shunday qilib, dars strukturasi quyidagi 3 qismdan tayyorgarlik, asosiy va yakunlovchi qismlardan tashkil topgan. Dars ishi plani har bir dars uchun tuzilgan plan yoki grafik plan asosida o‗tkaziladi. Darsning vazifasi va mazmuni shug‗ullanuvchilar kontingenti, ularning soni, sharoitlar tayyorgarlik davri va qo‗llaniladigan metodlariga qarab tuziladi. Darsning tayyorgarlik qismi 25-40 minut vaqtni egallayli. Bu vaqtda darsning asosiy qismi uchun zarur shart-sharoitlar yaratiladi. Vazifalar: 1. Boshlang‗ich tashkiliy ishlar, shug‗ullanuvchilar e‘tiborini qozonish, ularni dars vazifalari bilan tanishtirish va mashg‗ulotga ijobiy yo‗nalish berish. 2. Harakat apparatini va organizmning barcha sistemalarini asta-sekin oshirilgan nagruzkalarga funksional jihatdan tayyorlash organizmni qizitish va spetsifik ishga tayyorlash. 3. Qulay emotsional holatni vujudga keltirish. Vositalar: bajarish texnikasi shug‗ullanuvchilar o‗zlashtirib olgan yoki tez o‗zlashtiriladigan yengil mashqlar: signal, belgilar bo‗yicha turli xilda sarflanish va qayta saflanish: turli xilda yurish, yugurish, umumiy tayyorgarlik va maxsus xarakterdagi gimnastika mashqlari: kuchlilik, egiluvchanlik, cho‗zilish va muskullarni bo‗shashtirish mashqlari, harakatlar sofligiga oid mashqlar, nagruzka- larni asta-sekin oshira borib, eng oddiy sakrash, umbaloq oshish mashqlari, shuningdek, oson harakatli o‗yinlar va yakkama-yakka olishish elementlari bo‗lgan mashqlar. Darsning asosiy qismi 60-100 minut davom etadi. Bu vaqt ichida ta`lim-tarbiya berish, sog‗lomlashtirish vazifalari, kurash sohasidagi umumiy va maxsus vazifalar hal etiladi. 105 Vazifalar: 1. Harakat apparatini va organizmning barcha sistemalari har tomonlama rivojlantirish hamda mehnat va sport faoliyatida zarur bo‗lgan jismoniy sifatlarni tarbiyalash; 2. Kurash texnikasi va taktikasini o‗rgatish hamda uni shug‗ullanuvchilarning jismoniy rivojlanganlik va funksional tayyorgarlik darajasini oshirish bilan qo‗shib olib borgan holda takomillashtirish; 3. Shug‗ullanuvchilarni harakat faoliyati, kurash sohasidagi bilimlar «Barchinoy» kompleksiga doir hayotiy muhim bo‗lgan amaliy ko‗nikma va malakalar bilan qurollantirish. Asosiy vositalar. Buyumlarsiz va buyumlar, koptok, tayoq, gantel, eskander va boshqalar bilan bajariladigan umumrivojlantiruvchi, tayyorlovchi va maxsus mashqlar. Asosiy mashqlar – kurashdagi taktik-texnik harakatlar, sport kurashi - klassik va erkin kurash, sambo elementlaridan foydalanish. Yengil atletika, gimnastika, suzish, sport o‗yinlari va hokazo. Milliy kurash darslarining asosiy qismida, uning boshqa qismlaridagi kabi, sport tayyorgarligiga doir maxsus vazifalarni bajarish bilan birga psixologik tayyorgarlik, axloqiy va estetik tarbiya vazifalari ham hal etiladi. Darsning yakunlovchi qismiga 5-10 minut ajratiladi, dars esa organizmni nisbatan tinch holatga keltirish bilan yakunlanadi. Vazifalar: 1. Organizm faoliyatini tinchlantirish va ishlab turgan muskullarni ortiqcha zo‗riqishini pasaytirish; 2. Emotsional holatni tartibga solish, mashg‗ulotni yakunlash ishlarini qisqacha tahlil qilish va baholash uyga vazifa berish va hokazo. Birinchi faza – darsga tayyorlanish sharoitlarga muvofiq ravishda mashg‗ulotning puxta o‗ylangan plan-konspekt tuzish; zalni, maydonchani, invertarlar, tulum va hokazolarni tayyorlash, shug‗ullanuvchilar kontengenti soni, tayyorgarligi vazn kategoriyalari va hokazolarni hisobga olish. Dars planida yaxshi tayyorgarlik ko‗rgan gruppa rahbarlari, hakamlar, razryadchi sportchilar, axborotchilar va hokazolarning mavjudligini hisobga olish muhimdir. Ikkinchi faza – darsni o‗tkazish hisobiga – darsni o‗z vaqtida boshlash va shug‗ullanuvchilarni aniq uyushtirish, mushg‗ulot temasini qisqacha bayon qilish, xususiy vazifalarni va bolalarning mustaqil faoliyati uchun beriladigan topshiriqlarni tushuntirish. Bularning hammasi umumiy va shaxsiy metodik ko‗rsatmalar berish kerakligini va kamchiliklarni qanday yo‗qotish zarurligini aytish, hatti-harakatlarni baholash bilan qo‗shib olib boriladi. Bu esa darsning muvaffaqiyatli o‗tishga yordam beradi va bunday dars o‗quvchilarning ijodiy mustaqilligini oshiradi: Uchinchi faza – darsni yakunlash darsning yakunlovchi qismida o‗qituvchi o‗zi uchun ham, o‗quvchilar uchun ham yakun chiqaradi. Bayon qilingan materialni tahlil qiladi va kelgusi mashg‗ulotlarni belgilaydi. Buning uchun u dars rejasida material qanday o‗zlashtirilganligini, yuklama o‗quvchilarga qanday ta‘sir 106 etganligini, qanday yangi metod yoki usullar foydalanilganligini, tarbiya, mustaqil ishlar, uy vazifalari va hokazolarda nimaga e‘tibor berish kerakligini qayd qiladi. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling