O’zbekiston respublikasi oliy va o’rta maxsus ta’lim vazirligi toshkent davlat pedagogika universiteti huzuridagi pedagogik kadrlarni qayta tayyorlash va ularning malakasini oshirish tarmoq markazi

MUNDARIJA

KIRISH ........................................................................................................	3
1 - BOB. UMUMIY FIZIKA FANINI O’QITISHNING NAZARIY MASALALARI
1.1. Fizika fani taraqqiyotining ustuvor yo’nalishlari …….....................	12
1.2. Fizika fanini o’qitishdagi innovatsiyalar va ilg’or xorijiy tajribalar	12
2 - BOB. ElEKTROMAGNETIZM MODULINI UQITISHDA PEDAGOGIK TEXNOLOGIYALARNING O’RNI
2.1. Umumiy fizika (Elektromagnetizm) o’quv fani dasturining qisqacha tavsifi	9
2.2. Elektromagnetizm modulining ma’ruza matni .............................................	24
2.3. Fan yuzasidan ta’lim texnologiyasi, amaliy mashg’ulot ishlanmalari, keyslar to’plami ….…..........................................................	25
2.4. Nazorat topshiriqlari va mustaqil ta’lim yuzasidan ko’rsatmalar ..	2
2.5. “Elektromagnetizm” moduli buiycha glossarii	5
2.6. “Elektromagnetizm” moduli buiycha taqdimot	3
XULOSA VA TAVSIYALAR ....................................................................	2
FOYDALANILGAN ADABIYOTLAR RO’YXATI	2
ILOVALAR	2

KIRISH
Mavzuning dolzarbligi. O’zbekiston Respublikasining Birinchi Prezidenti Islom Karimov ma’ruzalarida “Bizning vazifamiz, kerak bo’lsa oliy burchimiz farzandlarimizni ham jismonan, ham ma’naviy jihatdan uyg’un rivojlangan, zamonaviy bilim va tajribani puxta egallagan, Vatanimiz va xalqimiz kelajagi uchun ma’suliyatni o’z zimmasiga olishga qodir bo’lgan barkomol insonlar bo’lib voyaga etishi uchun qo’limizdan kelgan barcha-barcha ishlarni amalga oshirishdan iboratdir”¹ deb fikr bildirgan edilar.
O’zbekiston Mustaqillikka erishgach, ta’lim ijtimoiy sohadagi ustuvor yo’nalish deb belgilandi, ta’limni joriy etishning metodologik, nazariy va huquqiy asosi bo’lgan “Ta’lim to’g’risida”gi va “Kadrlar tayyorlash Milliy dasturi” qonunlari qabul qilindi². Mamlakatimiz oliy ta’lim tizimi oldiga har tomonlama kamol topgan, jamiyatda turmushga moslashgan, ta’lim va kasb-hunar dasturlarini ongli ravishda tanlagan va keyinchalik puxta o’zlashtirgan, jamiyat, davlat va oila oldidagi o’z javobgarligini his etadigan fuqarolarni tarbiyalash kabi davlat buyurtmalari qo’yilgan.
Yuqoridagi fikrlardan kelib chiqqan holda mazkur davlat va ijtimoiy buyurtmalardan oliy ta’lim muassasalarida barcha fanlar qatori fizika va astronomiya fanlarni o’qitishga qo’yiladigan maqsad va vazifalar shakllantiriladi.
Fizika va astronomiya fanlarni o’qitishda o’qituvchi mazkur buyurtmalarni amalga oshirish uchun quyidagi vazifalarni bajarishi lozim:

• 
  Fizika va astronomiya fanlardan tashkil etiladigan ta’lim-tarbiya jarayonida innovatsion va axborot-kommunikativ texnologiyalardan foydalanish;
  
• 
  Fizika va astronomiya fanlarni o’qitishda tayyorgarlikning modul tizimidan foydalangan holda o’qitish jarayonini jadallashtirish;
  
• 
  Xalqning boy ma’naviy va intellektual merosi va umumbashariy qad­riyatlar asosida fizika va astronomiya ta’limining insonparvarlik yo’nalishini ta’minlash;
  
• 
  Fizika va astronomiya ta’lim jarayonining o’quv-metodik majmualar va didaktik ta’minotning yangi avlodiini ishlab chiqish va amaliyotga joriy etish;
  
• 
  Fizika va astronomiya ta’lim jarayonida talaba-yoshlar ongi va qalbiga milliy g’oya va mafkurani singdirish, ta’lim muassasalarida mafkuraviy tarbiyani bugungi kun darajasiga ko’tarish;
  
• 
  Ta’lim-tarbiya jarayonida ta’lim va tarbiyani uzviylashtirish orqali talabalarning barkamolligini ta’minlash, huquqiy, iqtisodiy, ekologik va sanitariya-gigienik ta’limi hamda tarbiyasini takomillashtirish;
  
• 
  Bo’lajak pedagog kadrlarning mafkura borasidagi bilimlarini chuqurlashtirishni bajarish lozim.
  

Bunday ishlarni amalga oshirish uchun bugungi kunda ta’lim muassasalari o’quv amaliyotida zamonaviy pedagogik va axborot-kommunikatsiya texnologiyalarini tadbiq etish, elektron o’quv modullari, o’quv-uslubiy majmualar, mul’timediya ishlanmalarini yaratish, masofali o’qitish shakllarini joriy etish orqali ta’lim sifatini takomillashtirish masalalariga katta e’tibor qaratilmoqda.
Ma’lumki, ta’lim-tarbiya jarayoni o’zida uchta o’zaro aloqador uchlik - ta’lim, tarbiya va shaxs rivojlanishini aks ettiradi. Mazkur uchlikni ta’lim jarayoniga barobar tadbiq qilish modul texnologiyalarini qo’llashni osonlashtiradi. Modul texnologiyalarining afzakliklaridan biri ta’lim mazmunini tartibga solishlir.
Ushbu texnologiya mohiyatiga ko’ra mavjud axborotlarning talabalar faoliyatini DTS doirasida etarli darajada muvaffaqiyatli amalga oshirish imkonini beradiganlari tanlab olinadi. Modul texnologiyasining mohiyati ta’lim jarayonini modullar (o’quv predmeti va uning bo’limlari mazmunini tartibga solish, ta’limning muayyan bosqichidan boshlab bo’linmaydigan kasbiy faoliyati mantiqan tugallangan qismlarga ajratish) asosida loyihalashtirishdan iboratdir.
Oliy ta’lim tizimida o’qitilayotgan barcha fanlar qatori fizika va astronomiya fanlarni o’qitishga ham modulli yondoshuv ta’lim samaradorligini orttirishga zamin yaratadi. Yuqoridagi mulohazalardan kelib chiqqan holda va bu borada olib borilayotgan barcha ilmiy-metodik ishlar dolzarbligini inobatga olib, bitiruv ishni “Elektromagnetizm modulini uqitishda pedagogik texnologiyalarning urni” mavzusida tanlab olindi.