O‘zbekiston respublikasi qishloq xo’jaligi vazirligi toshkent davlat agrar universiteti xalq tabobati dorivor o’simliklari fanidan amaliy mashg‘ulot uchun ilmiy-amaliy tarqatma materiali

Umumiy ahvolingiz – immunitet faoliyati haqida umumiy holatingizdan kelib chiqib ham bilib olishingiz mumkin. Buning uchun kun davomida organizm va ruhiyatingizdagi o`zgarishlarga diqqat qiling. Holsizlik, quvvatsizlik, mehnat unumdorligining pasayishi organizm zaiflashib borayotganini bildirishi mumkin. Bu holatda shifokor maslahati asqotadi.
Xalq tabobatida immunitetni oshirishda dorivor o‘simliklar ham yaxshi yordam beradi.
Xususan:
• 2 hissa dalachoy(zveroboy) o‘ti, 1 hissa naʼmatak, 1 hissa qora andiz(devyasil) ildizi olinadi-da, obdon aralashtiriladi. Bundan 1 osh qoshiq olib, ustiga 200 ml. sovuq suv qo‘shiladi va qaynash darajasiga yetkaziladi, keyin olovdan olinib, 1 soat davomida dam yediriladi. Suzib olingach, undan 50 ml.dan iliq holida ichib turiladi. Agar ushbu malhamga har safar qabul qilishdan oldin 8 tomchi chakanda moyi qo‘shib ichilsa samarasi yana-da yaxshi bo‘ladi.
• 3 hissadan limon o‘ti, qichitqi o‘t va 1 hissa mavrak(shalfey) o‘tlari olinib, yaxshilab aralashtiriladi. Keyin undan 1 choy qoshiq olib, termosga solinadi. Ustiga yarim litr qaynoq suv qo‘shiladi, keyin 3 soat davomida dam beriladi. So‘ng damlamani suzib, 2 choy qoshiq asal qo‘shiladi-da, har kuni nonushtadan keyin yarim piyoladan – 100 ml.dan ichib turiladi.
• Buldurg‘un(malina) bargidan 4 osh qoshiq olinib, ustiga yarim litr qaynoq suv qo‘shiladi va olovga quyiladi, qaynashi bilanoq olovdan olinadi, 20 daqiqa mobaynida damlashga quyiladi. Keyin qaynatmani suziladi, unga 2 piyola sut va 3 osh qoshiq asal qo‘shilib aralashtiriladi. Bundan kuniga 3-4 mahal yarim piyoladan iliq holida ichib turiladi.
Immunitet pasayishiga olib keluvchi omillar:

• 
  Noto‘g‘ri ovqatlanish. Qondagi antitanalar immunoglobulinlar oqsilidan tarkib topgan, ularni me’yorda ishlab chiqarilishi uchun taomnomada go‘sht, tuxum, baliq, sut mahsulotlari, dukkakli o‘simliklar yetarlicha bo‘lishi kerak.
  
• 
  Surunkali stress. Аsabiy charchoq paydo bo‘lganda immunitetni himoya qilish faoliyatini tartibga soluvchi gormonal tizim ishdan chiqadi, natijada immunitet zaiflashadi.
  
• 
  Surunkali uyqusizlik.
  
• 
  Zararli odatlar. Chekish, spirtli ichimliklarni iste’mol qilish, semirish, kam harakat hayot tarzi.
  
• 
  Tashqi muhit. Zararli ishlab chiqarish korxonalari, hovoning ifloslanishi, radiatsiya.