O‘zbekiston respublikasi sog‘liqni saqlash vazirligi tibbiy ta’limni rivojlantirish markazi

O‘rganilayotgan mavzuning ahamiyati. Kislota-asosli titrlash usuli tibbiy-biologik tekshiruvlarda klinik 

analizlar o‘tkazish, oziq-ovqat mahsulotlari va suvning sanitariya-gigiena holatini tekshirish, dori shakllari va 

preparatlarini analiz qilishda qo‘llaniladi. Bu usul bilan eritmalarda kislotalar, ishqorlar va gidrolizlanganda 

kislotali yoki ishqoriy muhit hosil qiluvchi  tuzlar miqdorini aniqlash mumkin. Masalan, bu usul bilan meda  

shirasi, siydik va boshqa biologik suyuqliklar kislotaliligi tekshiriladi. Dorivor preparatlar sifatida ishlatiladigan 

xlorid, sul’fat, borat va ko‘pchilik organik kislota eritmalari miqdoriy analiz qilinadi. Sanitariya-gigiena jihatdan 

tekshirilganda oziq-ovqat mahsulotlarining kislotaliligi, suvning qattiqligi va boshqalar aniqlanadi.