O‘zbekiston respublikasi sportni rivojlantirish vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Samolyotlar 
Bu o‘yinda bolalar bir-biriga tegmasdan, turli yo‘nalishda yugurishga 
o‘rgatiladi. Shunda ular ishorani darrov ilg‘ab olib, harakatni boshlashga 
odatlanadilar. 
Bolalar 
samolyotda 
o‘tirgan yo‘lovchilarni ifoda etadilar. Ular 
maydonchaning har еr-har еrida turadilar. Tarbiyachi “Uchishga tayyorlaning!” 
deganda ular qo‘llarini tirsakdan bukib oldilaridan aylantiradilar, ya’ni motorni 
ishga soladilar. “Uchinglar!” deganda bolalar qo‘llarini yon tomonlariga uzatib, 
maydoncha bo‘ylab tarqalib yuguradilar. “Qo‘ning!” deganda esa samolyotlar 
to‘xtab, еrga qo‘nadilar (bolalar bitta tizzalarini еrga qo‘yib cho‘nqayadilar). O‘yni 
5-6 marta takrorlanadi. 

---

86 
Mazkur o‘yini bir oz murakkablashtirish mumkin. Buning uchun bolalar 3-4 
guruhga bo‘linadilar. “Qo‘ning!” deganda bolalar o‘z joylarini topib turadilar, 
tarbiyachi qaysi guruh samolyotlari birinchi bo‘lib to‘planganini ta’kidlaydi. O‘yin 
o‘rta va kichik guruhlarga bo‘lgan holda o‘tkazilsa, maqsadga muvofiq bo‘ladi. 
Kichkintoylarga buy o‘yin qiyinchilik tug‘dirish mumkin. 
PUFAK 
O‘yinda bolalar doira bo‘lib goh keng, goh g‘uj bo‘lib turishga o‘rgatiladi, 
berilgan buyruqqa mos harakat qilishga odatlantiriladi. 
Bolalar tarbiyachi bilan birga qo‘l ushlashib, kichkina doiracha yasab bir-
birlariga yaqin turadilar. Tarbiyachi she’r aytadi: 
Pufak, pufak aytaman, 
Shishib yana katta bo‘l. 
Doimo shunday qol, 
Yorilmay qo‘ya qol. 
Shundan keyin bolalar bir-birlarining qo‘llarini qo‘yib yubormasdan, orqaga 
yura boshlaydilar. Tarbiyachi: “Pufak yorilib ketdi”, deyishi bilanoq bolalar 
yurishdan to‘xtab, qo‘llarini tushirib cho‘qqayib o‘tiradilar va “paq”, “paq”, 
deydilar. 
“Pufak yorilib ketdi”, degandan keyin bolalarga qo‘llarini qo‘yib 
yubormasdan doira markazi tomon yurishni taklif qilish mumkin. Ular doira 
markaziga qarab “sh-sh-sh-sh” deydilar (havo chiqib ketadi). Keyin yana “pufak 
shishiriladi”. 
O‘yinda dastlab 6-8, keyin 15-16 ta bola ishtirok etadi. So‘zlarni 
shoshilmasdan aniq aytish, bolalarni tarbiyachi bilan birga so‘zlarni takrorlashga 
jalb qilish lozim.