O`zbekiston respublikasi xalq talimi vazirligi navoiy davlat pedagogika instituti
Download 0.72 Mb. Pdf ko'rish
|
Qodirova M. Sanoat va qishloq xo\'jaligi asoslari
Ixtisoslashuv ham ishlab chiqarishni tashkil etishning muhim shakli bo’lib,
u mehnat taqsimoti va iqtisodiy rayonlarni tarkib topishi bilan chambarchas bog’liq. Uning uch bosqichi va uch turi mavjud. Ixtisoslashuvning uch bosqichi deganda korxona, shahar yoki rayon miqyosidagi ixtisoslashuv tushuniladi. Ularning har biriga hududiy yoki ijtimoiy mehnat taqsimoti natijasida ma’lum bir mahsulotni ishlab chiqarilishi biriktiriladi. O’z navbatida ixtisoslashuv shu korxona va rayonlarning mehnat taqsimotida tutgan o’rnini belgilab beradi. Ixtisoslashuvning uch turi-bu qism, texnologik yoki yarim mahsulot va tayyor mahsulot ishlab chiqarishga ixtisoslashuvidir. Ixtisoslashuvning bunday ko’rinishlari bir-biri bilan uzviy bog’liq va ular turli hududiy bosqichda o’zgacha xususiyatga ega bo’ladi. Ixtisoslashuv oqibatida xalq xo’jaligining tarmoqlari vujudga keladi, iqtisodiy rayonlar, shaharlarning funksional turlari shakllanadi. Shu bilan birga u tashqi transport iqtisodiy aloqalarini taqozo etadi, chunki ishlab chiqarilgan va mahalliy iste’moldan ortib qolgan mahsulot chetga chiqariladi, mazkur rayonda yetishmaydigan mahsulot esa boshqa joydan keltiriladi. 27 Ixtisoslashuvni aniqlash uchun bir necha shart va sharoitlar zarur. Muhimi- mahsulot faqat shu joy talabini qondiribgina qolmay, balki ortiqchasi boshqa rayonlarga chiqarilishi yoki tovar xususiyatiga ega bo’lishi kerak. Aks holda bu tarmoq mazkur joy uchun ixtisoslashgan soha bo’lmasligi mumkin. Masalan, Respublikamiz paxta tolasi, pilla, tog’-kon, tabiiy gaz sanoati, qishloq xo’jaligi mashinasozligi va boshqa sohalarga ixtisoslashgan. Uni ip yoki ipak gazlamasi, neft sanoatiga ixtisoslashgan deyish biroz mushkulroq, sababi bu mahsulotlar O’zbekistonda hozircha yetarli ishlab chiqarilmaydi va ular mahalliy talabni to’la qondirganicha yo’q. Rayon yoki viloyat, jamoa xo’jaligida, respublikada ishlab chiqilgan mahsulot shu yerning o’zida batamom iste’mol qilinsa yoki aksincha, ushbu mahsulot mahalliy sharoit ehtiyojini qondirmay, balki chetga chiqarilsa, har ikkala holda ham to’laqonli ixtisoslashuv bo’lishi mumkin emas. Masalan, Rossiya Federatsiyasining Markaziy iqtisodiy rayonida Belorussiyadan ko’proq kartoshka yoki Boltiqbo’yi respublikalariga ko’ra ko’proq sut ishlab chiqariladi. Ammo na kartoshka va na sut Rossiyaning markaziy rayoni uchun ixtisoslashgan tarmoq hisoblanmaydi, zero bu mahsulotlarning hammasi o’z joyida iste’mol qilinadi, chunki rayonning o’zida 30 mln dan ziyod aholi yashaydi. Ayni paytda kartoshka Belorussiya Respublikasi uchun, sut Boltiqbo’yi mamlakatlariga ixtisoslashgan tarmoq bo’lib xizmat qiladi. Ixtisoslashuv albatta, faqat moddiy ishlab chiqarishga tegishli emas, u barcha ijtimoiy jabhalarga ham molik xususiyatdir. Qolaversa, ayrim oliygohlar o’qituvchi, boshqalari agronom, muhandis, tabobatchi kabi mutaxassislarni tayyorlaydi. Chunki bu oliygohlar shunday xodimlarni tayyorlashga ixtisoslashgan. Mintaqa va mamlakatlarning u yoki va bu mahsulot ishlab chiqarishga ixtisoslashuvi, eng avvalo ulardagi mutloq va nisbiy afzalliklarga bog’liq,(A.Smidt, D.Rikkardo) bu yerda yaratilgan mahsulot uni boshqa joyda yetishtirishga ko’ra arzonroq, kam xarajatliroq bo’lishi kerak. Odatda, har bir mamlakat yoki uning alohida qismlari o’zidagi qulay va arzon omillardan foydalanib, qiyin va qimmat omil nahsulotlarini chetdan olib keladi. Bunday qonuniyatni dastlab shved iqtisodchilari XX asrning 30-yillarida E. Xeksher va B.Olinlar asoslab berishgan. Hozirgi fan-texnika taraqqiyotidan foydalanib yangi mahsulot turlari paydo bo’lmoqda yoki ular zamonaviy texnologiyalar asosida arzon va oson yo’llar bilan ishlab chiqarilmoqda. Bunday innovatsiyalarning ‘hayot sikli”-vujudga kelishi va ‘so’nishi” bilan belgilanadi. Shunga o’xshash yangiliklarning tarqalishi yoki diffuziya qonuni iqtisodiyot nazariyasida Yozef Shumpeter va sved T. Xagerstrand tomonlaridan asoslangan. Download 0.72 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling