O‘zbekiston respublikasining bojxona kodeksi

21-modda. Bojxona nazorati va bojxona rasmiylashtiruvi
Bojxona chegarasi orqali olib o‘tiladigan tovarlar va transport vositalari bojxona nazoratidan
hamda bojxona rasmiylashtiruvidan o‘tkazilishi kerak.
Oldingi
 tahrirga qarang.
Bojxona nazorati O‘zbekiston Respublikasining qonunchiligi va xalqaro shartnomalariga rioya
etilishini ta’minlash uchun bojxona organlari tomonidan amalga oshiriladigan, shu jumladan xavfni
boshqarish tizimi qo‘llanilgan holda amalga oshiriladigan chora-tadbirlar majmuidan iboratdir.
(21-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Bojxona chegarasidan olib o‘tiladigan tovarlar va transport vositalari ustidan bojxona
nazoratini ta’minlash uchun bojxona organlarining mansabdor shaxslari tomonidan o‘tkaziladigan
bojxona operatsiyalari majmui bojxona rasmiylashtiruvi hisoblanadi.
Oldingi
 tahrirga qarang.
Bojxona nazorati va bojxona rasmiylashtiruvi amalga oshirilayotganda bojxona organlari
hamda ularning mansabdor shaxslari qonunchilikda nazarda tutilmagan taqiqlar va cheklovlarni
belgilashga haqli emas.
(21-moddaning to‘rtinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
22-modda. Shartli chiqarib yuborilgan tovarlar
Shaxsning belgilangan talablar va shartlarga rioya etish majburiyatlariga bog‘liq tarzda
tovarning chiqarib yuborilishi shartli chiqarib yuborish hisoblanadi.
Quyidagilar shartli chiqarib yuborilgan tovarlar deb hisoblanadi:
a) bojxona to‘lovlarini to‘lash bo‘yicha imtiyozlar berilganligi munosabati bilan foydalanilishi va
tasarruf etilishi cheklangan tovarlar;

---

b) boj olinmaydigan savdo, bojxona hududida qayta ishlash, vaqtincha olib kirish, bojxona
tranziti bojxona rejimlariga joylashtirilgan tovarlar;
v) bojxona to‘lovlari shartli bojxona qiymatini aniqlash asosida to‘langan tovarlar;
g) bojxona to‘lovlari davriy bojxona to‘lovlari shaklida to‘langan tovarlar;
Oldingi
 tahrirga qarang.
d) zarur hujjatlar (bundan ruxsat etish xususiyatiga ega hujjatlar mustasno) va ma’lumotlar
taqdim etilmagan tovarlar;
(22-modda ikkinchi qismining “d” kichik bandi O‘zbekiston Respublikasining 2022-yil 1-fevraldagi
O‘RQ-748-sonli 
Qonuni 
tahririda — Qonunchilik ma’lumotlari milliy bazasi, 02.02.2022-y., 03/22/748/0086-
son — 2022-yil 3-maydan kuchga kiradi)
Oldingi
 tahrirga qarang.
j) bojxona yuk deklaratsiyasi topshirilguniga qadar chiqarib yuborilgan, shuningdek dastlabki,
muvaqqat, to‘liq bo‘lmagan yoki davriy bojxona yuk deklaratsiyasi rasmiylashtirilgan holda tegishli
bojxona rejimiga joylashtirilgan tovarlar;
(22-moddaning ikkinchi qismi O‘zbekiston Respublikasining 2022-yil 1-fevraldagi O‘RQ-748-sonli
Qonuniga 
asosan “j” kichik band bilan to‘ldirilgan — Qonunchilik ma’lumotlari milliy bazasi, 02.02.2022-y.,
03/22/748/0086-son — 2022-yil 3-maydan kuchga kiradi)
e) bojxona to‘lovlarini kechiktirib yoki bo‘lib-bo‘lib to‘lashga ruxsat berilgan holda erkin
muomalaga chiqarish (import) bojxona rejimiga muvofiq rasmiylashtirilgan tovarlar.
Oldingi
 tahrirga qarang.
Mazkur moddaning ikkinchi qismi 
“a” bandida
ko‘rsatib o‘tilgan shartli chiqarib yuborilgan
tovarlardan faqat bojxona to‘lovlarini to‘lash bo‘yicha imtiyozlar berish shartlariga muvofiq bo‘lgan
maqsadda foydalanilishi kerak. Mazkur tovarlardan ular shartli chiqarib yuborilgan paytdan
e’tiboran uch yil ichida boshqa maqsadlarda foydalanilgan taqdirda, berilgan bojxona imtiyozlari
bekor qilinib, bojxona to‘lovlarini to‘lash majburiyati tiklanadi.
(22-moddaning uchinchi qismi O‘zbekiston Respublikasining 2022-yil 1-fevraldagi O‘RQ-748-sonli
Qonuni 
tahririda — Qonunchilik ma’lumotlari milliy bazasi, 02.02.2022-y., 03/22/748/0086-son — 2022-yil 3-
maydan kuchga kiradi)
Oldingi
 tahrirga qarang.
Agar ushbu moddaning ikkinchi qismi 
“d” bandida
ko‘rsatib o‘tilgan shartli chiqarib
yuborilgan tovarlar uchun taqdim etilmagan muvofiqlik sertifikatini yoki sanitariya-epidemiologiya
xulosasini olish talab etilsa, ushbu tovarlardan foydalanish, ularni uchinchi shaxslarga berish, shu
jumladan ularni sotish yoki o‘zga usulda boshqa shaxsga o‘tkazish orqali berish taqiqlanadi, mazkur
tovarlarni olib kirishga doir cheklovlar ushbu tovarlarning sifati va xavfsizligi tekshirilishi munosabati
bilan belgilangan hollarda esa har qanday shaklda foydalanish (ishlatish) taqiqlanadi.
(22-moddaning to‘rtinchi qismi O‘zbekiston Respublikasining 2022-yil 1-fevraldagi O‘RQ-748-sonli
Qonuni 
tahririda — Qonunchilik ma’lumotlari milliy bazasi, 02.02.2022-y., 03/22/748/0086-son — 2022-yil 3-
maydan kuchga kiradi)
Oldingi
 tahrirga qarang.
Tovarlar, agar qonunchilikda boshqacha tartib nazarda tutilmagan bo‘lsa, shartli chiqarib
yuborishning shartlari bo‘yicha majburiyatlar bajarilguniga qadar shartli chiqarilgan hisoblanadi.
(22-moddaning beshinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)