O‘zbekiston respublikasining bojxona kodeksi

352-modda. Bojxona to‘lovlarini to‘lash bo‘yicha qarzdorlikni to‘lovchining mol-mulkini
realizatsiya qilishdan tushgan pul mablag‘lari hisobidan undirish
Bojxona to‘lovlarini to‘lash bo‘yicha qarzdorlikni to‘lovchining mol-mulkini realizatsiya
qilishdan tushgan pul mablag‘lari hisobidan undirish uning hisobvaraqlarida bojxona organining
inkasso topshiriqnomasi qo‘yilgan paytdan e’tiboran olti oydan ko‘proq muddatda pul mablag‘lari
bo‘lmagan taqdirda qo‘llaniladi.
Bojxona to‘lovlarini to‘lash bo‘yicha qarzdorlikni to‘lash hisobiga undiruvni mol-mulkka
qaratish bojxona organining da’vo arizasiga asosan sud tartibida amalga oshiriladi, bundan
undiruvni bojxona organiga garov narsasi sifatida berilgan mol-mulkka qaratish bojxona organi va
garovga qo‘yuvchi o‘rtasidagi shartnoma shartlariga qarab amalga oshiriladigan hollar mustasno.
Oldingi
 tahrirga qarang.
352 -modda. Bojxona to‘lovlarini to‘lash bo‘yicha qarzdorlikni umidsiz deb e’tirof etish
Majburiyatning sud qaroriga ko‘ra tugatilganligi oqibatida yoxud qarzdor bankrot bo‘lganligi,
tugatilganligi yoki vafot etganligi oqibatida to‘lanishi mumkin bo‘lmagan bojxona to‘lovlari bo‘yicha
qarzdorlik umidsiz qarz deb hisoblanadi.
Bojxona organlarining qaroriga ko‘ra bojxona to‘lovlarini to‘lash bo‘yicha qarzdorlik quyidagi
hollarda umidsiz qarz deb e’tirof etiladi:
1

---

1) yuridik shaxs tugatilganda — uning bojxona to‘lovlarini to‘lash bo‘yicha qarzining o‘z mol-
mulki yetarli emasligi va (yoki) qarzdorlikni qonunchilikda belgilangan doirada va tartibda ushbu
yuridik shaxs muassislari (ishtirokchilari) tomonidan uzish mumkin bo‘lmaganligi sababli uzilmay
qolgan qismi bo‘yicha;
2) yakka tartibdagi tadbirkor bankrot deb e’tirof etilganda — bojxona to‘lovlarini to‘lash
bo‘yicha qarzning qarzdorning mol-mulki yetarli emasligi sababli uzilmay qolgan qismi bo‘yicha;
3) jismoniy shaxs vafot etganda yoki jismoniy shaxs vafot etgan deb e’lon qilinganda — uning
bojxona to‘lovlarini to‘lash bo‘yicha qarzining o‘z mol-mulki yetarli emasligi sababli, shu jumladan
meros davlat mulkiga o‘tgan taqdirda uzilmay qolgan qismi bo‘yicha;
4) chet el yuridik shaxsi soliq organidan hisobdan chiqarilganda — uning bojxona to‘lovlari
bo‘yicha qarzdorligining doimiy muassasaning mol-mulki yetarli emasligi hamda O‘zbekiston
Respublikasining norezidenti bo‘lgan yuridik shaxs tomonidan qarzdorlikni qonunchilikda
belgilangan doirada va tartibda uzish mumkin bo‘lmaganligi sababli uzilmay qolgan qismi
bo‘yicha. Undirilishi umidsiz deb e’tirof etilgan mazkur qarzdorlik ushbu chet el yuridik shaxsi soliq
organida qaytadan hisobga qo‘yilganda tiklanishi lozim.
Undirilishi umidsiz deb e’tirof etilgan bojxona to‘lovlarini to‘lash bo‘yicha qarzdorlikni
hisobdan chiqarish tartibi va ushbu moddaning ikkinchi qismida nazarda tutilgan holatlarni
tasdiqlovchi hujjatlar ro‘yxati O‘zbekiston Respublikasi Davlat bojxona qo‘mitasi tomonidan
tasdiqlanadi.
(352 -modda O‘zbekiston Respublikasining 2022-yil 1-fevraldagi O‘RQ-748-sonli 
Qonuniga 
asosan
kiritilgan — Qonunchilik ma’lumotlari milliy bazasi, 02.02.2022-y., 03/22/748/0086-son — 2022-yil 3-maydan
kuchga kiradi)