Oʻzbekiston respublikasining soliq kodeksi (Yangi tahriri) Oʻzbekiston Respublikasining

93-modda. Mol-mulkni ishonchli boshqaruvga berishda 
soliq majburiyatini bajarish 
(1-q.)
Ishonchli boshqaruvchi ishonchli boshqaruv shartnomasi tuzilgan sanadan eʼtiboran 
ishonchli boshqarish shartnomasi boʻyicha soliq majburiyatlarini bajaradi. 
(2-q.)
Ishonchli boshqaruvni taʼsis etuvchi (naf oluvchi), mol-mulk ishonchli boshqaruvga 
topshirilishi munosabati bilan oʻzida yuzaga keladigan soliq majburiyatlarini, agar soliq 
majburiyatlarini bajarish (qoʻshilgan qiymat soligʻi boʻyicha majburiyatlardan tashqari) ishonchli 
boshqaruvchiga yuklatilmagan boʻlsa yoxud mol-mulk Oʻzbekiston Respublikasining norezidenti 
boʻlgan ishonchli boshqaruvchiga ishonchli boshqarishga topshirilgan taqdirda, mustaqil ravishda 
bajaradi. 
(3-q.)
Ishonchli boshqaruvchi soliq solish obyektlarining va (yoki) soliq solish bilan bogʻliq 
obyektlarning hisobini ishonchli boshqaruvni taʼsis etuvchining (naf oluvchining) manfaatlarida 
amalga oshiriladigan ishonchli boshqaruv faoliyati boʻyicha va boshqa faoliyat boʻyicha alohida-
alohida yuritishi shart. 
(4-q.)
Agar ishonchli boshqaruvni taʼsis etuvchi (naf oluvchi) uchun soliq majburiyatini 
bajarish, shuningdek soliq hisobotini va moliyaviy hisobotni tuzish hamda taqdim etish boʻyicha 
majburiyatni bajarish ishonchli boshqaruvchiga yuklatilgan boʻlsa, bunday soliq majburiyatini 
bajarish ishonchli boshqaruvchi hisoblanuvchi shaxs nomidan ushbu Kodeksning Maxsus qismida 
belgilangan tartibda amalga oshiriladi.
(5-q.)
Agar ishonchli boshqaruvchi soliqlarni hisoblash va toʻlash boʻyicha ushbu moddada 
nazarda tutilgan majburiyatlarni bajarmagan yoki toʻliq hajmda bajarmagan boʻlsa, ularni bajarish 
majburiyati ishonchli boshqaruvni taʼsis etuvchiga (naf oluvchiga) yuklatiladi. 
94-modda. Jismoniy shaxs vafot etgan yoki u vafot etgan 
deb eʼlon qilingan taqdirda soliq majburiyatini bajarish 

---

(1-q.)
Soliq qarzi mavjud boʻlgan jismoniy shaxs vafot etgan taqdirda, soliq toʻgʻrisidagi 
qonunchilikni lozim darajada bajarmaganlik uchun unga hisoblangan penyalar va jarimalar 
summasi undirilishi umidsiz summalar deb eʼtirof etiladi. Ushbu jismoniy shaxsning soliqlar 
boʻyicha uzilmay qolgan qarzi vafot etgan shaxsning meros qilib olinadigan mol-mulkini meros 
qilib olish tartibida qabul qilib olgan uning merosxoʻri (merosxoʻrlari) tomonidan meros qilib 
olinadigan mol-mulkning qiymati doirasida va uning (ularning) merosdagi ulushiga mutanosib 
ravishda, ushbu moddaning qoidalarini inobatga olgan holda uziladi. 
(OʻzR 21.04.2021-y. OʻRQ-
683-son Qonuni tahriridagi qism) 
(2-q.)
Agar vafot etgan jismoniy shaxsning soliqlar boʻyicha soliq qarzi meros qilib 
olinadigan mol-mulk qiymatidan ortiq boʻlsa, soliq qarzining meros qilib olinadigan mol-mulk 
qiymatidan ortiq summasi undirilishi umidsiz summa deb eʼtirof etiladi. Mazkur norma merosxoʻr 
(merosxoʻrlar) tomonidan meros qilib olinadigan mol-mulkning qiymati hujjatlar bilan 
tasdiqlangan hollarda qoʻllaniladi. 
(3-q.)
Merosxoʻr boʻlmaganda yoki merosxoʻr (merosxoʻrlar) meros olish huquqidan voz 
kechganda, vafot etgan jismoniy shaxsning soliq qarzi undirilishi umidsiz qarz deb eʼtirof etiladi. 
Umidsiz soliq qarzi soliq organlari tomonidan hisobdan chiqarilishi lozim. 
(4-q.)
Soliq qarzi boʻlgan jismoniy shaxs vafot etgan taqdirda, mazkur jismoniy shaxs 
hisobga qoʻyilgan joydagi va (yoki) uning mol-mulki turgan joydagi soliq organi vafot etgan 
shaxsning merosxoʻri (merosxoʻrlari) toʻgʻrisida axborot olingan paytdan eʼtiboran bir oy ichida 
unga (ularga) soliq qarzi mavjudligi toʻgʻrisida xabar qilishi shart. 
(5-q.)
Vafot etgan jismoniy shaxsning merosxoʻri (merosxoʻrlari) mazkur jismoniy 
shaxsning soliqlar boʻyicha qolgan qarzini meros qabul qilib olingan kundan eʼtiboran bir yildan 
kechiktirmay uzishi shart. 
(6-q.)
Soliq organining qaroriga binoan uzish muddati, agar soliq qarzi mavjudligi 
toʻgʻrisidagi xabarni merosxoʻr (merosxoʻrlar) toʻlash muddati oʻtishiga olti oydan kam vaqt 
qolganida olgan boʻlsa, uzaytirilishi mumkin. 
(7-q.)
Vafot etgan jismoniy shaxsning jismoniy shaxslardan olinadigan daromad soligʻi va 
ijtimoiy soliqni toʻlash boʻyicha qarzi umidsiz qarz deb eʼtirof etiladi. 
(8-q.)
Ushbu moddada nazarda tutilgan qoidalar fuqarolik qonunchiligida belgilangan 
tartibda vafot etgan deb eʼlon qilingan jismoniy shaxsning soliq qarziga nisbatan ham qoʻllaniladi. 
(OʻzR 21.04.2021-y. OʻRQ-683-son Qonuni tahriridagi qism)