O’zbekistonning eng yangi tarixi kafedrasi

birinchi bosqich – oilalarda (ikki davr asosida: birinchi davr – homila davri, ikkinchi davr – bola tug‘ilganidan 3 yoshgacha bо‘lgan davr);
ikkinchi bosqich – maktabgacha ta’lim 3-6 (7) yoshgacha bо‘lgan davr;
uchinchi bosqich – umumiy о‘rta ta’lim tizimida (ikki davr asosida: birinchi davr – 7 (6)-10 yosh boshlang‘ich sinf, ikkinchi davr – 11-17 yosh о‘rta va yuqori sinflar);
tо‘rtinchi bosqich – ishlab chiqarishda faoliyat kо‘rsatayotgan va band bо‘lmagan yoshlar, shuningdek, о‘rta maxsus kasb-hunar va oliy ta’lim muassasalari tizimida (ikki davr asosida: birinchi davr-о‘rta maxsus kasb-hunar va oliy ta’lim bilan qamrab olinmagan, shuningdek, ishlab chiqarishda faoliyat kо‘rsatayotgan va band bо‘lmagan yoshlar – 17-30 yosh, ikkinchi davr-о‘rta maxsus kasb-hunar, oliy ta’lim muassasalarining о‘quvchi-talabalari 15-22 (24) yosh).
Konsepsiya doirasida 2020-2021-oq’uv yilidan boshlab umumiy o’rta ta’lim muassasalarida I-XI sinflar uchun “Odobnoma”, “Vatan tuyg‘usi”, “Milliy istiqlol g‘oyasi va ma’naviyat asoslari”, “Dinlar tarixi” fanlarini birlashtirgan holda “Tarbiya” fani joriy qilindi.


2.Mustaqillik yillarida tarixiy xotira, moddiy va ma’naviy merosimizning tiklanishi.


О‘tgan asrning 70-80-yillarida о‘zbek xalqi azaldan ardoqlab, avaylab-asrab kelgan milliy urf-odat, an’ana, qadriyatlar, ayniqsa, milliy bayramlarga qarshi sobiq markazning asossiz kurashi boshlandi, kо‘plab mil­liy marosimlar cheklandi. Natijada, avvallari nishonlangan “Hosil bayrami”, “Qovun sayli”, “Gul bayrami” va boshqa xalq bayramlari unutilib, “Navrо‘z” bayrami ta’qiqlab qо‘yildi.
О‘zbekistonning Birinchi Prezidenti Islom Karimov о‘z faoliyatining dastlabki kunlaridan boshlab jamiyatni ma’naviy poklantirish, mil­liy madaniyatlarning о‘zaro uyg‘un rivojlanishiga erishish_, xalqimizning an’ana, urf-odat va qadriyatlari, marosimlarini tiklashga alohida e’tibor bera boshladi.
“Mustaqil О‘zbekistonning kuch-qudrati manbai xalqimizning umuminsoniy qadriyatlariga sodiqligidadir, deb ta’kidlagan edi Islom Karimov. Xalqimiz adolat, tenglik, ahil qо‘shnichilik va insonparvarlikning nozik kurtaklarini asrlar osha avaylab-asrab kelmoqda. О‘zbekistonni yangilashning oliy maqsadi – ana shu an’analarni qayta tiklash, ularga yangi mazmun bag‘ishlash, zaminimizda tinchlik va demokratiya, farovonlik, madaniyat, vijdon erkinligi va har bir kishini kamol toptirishga erishish uchun zarur shart-sharoit yaratishdir” (Karimov I.A. Istiqlol va ma’naviyat. -T.: О‘zbekiston, 1994. B. 5).
Bugungi kunda ijtimoiy hayotda yuz berayotgan tub о‘zgarishlar xalqimizda о‘zligini anglash tuyg‘usini, milliy taraqqiyotdan manfaatdorlik hissini kuchaytirmoqda. Bu holat xalqimizning milliy qadriyatlari, madaniy va ma’­naviy boyligini qayta mushohada etishni, ularning mohiyatini yanada chuqur anglashni taqozo qilmoqda.