O`zbekstan respublikasi xaliq ta`lim wa`zirligi

Đnsert metodınan paydalanıp oqıtıw

Materialdı ayrım yamasa toparlar ta`repinen oqıp, talqıg`a tayarlawg`a tuwrı keledi. Bunda temanı u`yrenip atırg`an adam, temanın` tekstindegi xabarlarg`a o`z pikirin bildirip barıwı paydalı. Teksttegi xabar a`hmiyetli bolsa, onı arnawlı belgi «
» menen, aldın tanıs bolg`an materiallar ushırassa «+» menen, tu`sinikte qıyınshılıq ushırasa «?» menen ha`m materiallar mazmunindag`ı xabar oqıwshıg`a jaqpasa yaki qarsı bolsa « - » belgilerin qoyıw mu`mkin. Bunday oqıwda material u`stinde oqıwshnın` jedel islegeni ko`rinedi.

Birgelikte oqıw

Oqıw kishi toparlarda alıp barılg`anda na`tiyjeli bolıwı keyingi waqıtlarda ko`pshilik ta`repinen ta`n alınbaqta. Kishi toparlarda islewdi sho`lkemlestiriwdin` tu`rli ko`rinisleri bar.
Oqıtıwshı materiallardı u`yreniwdi juplıqlarda sho`lkemlestiriwi mu`mkin. Bunda material eki ta`reptende u`yreniledi, talıqlanadı ha`m na`tiyjesi bayan etiledı.
Bunday islerdi kishi toparlarda sho`lkemlestiriw mu`mkin. Toparlarda n`-w adamlıq kishi toparlar sho`lkemlestiriledi ha`m bayan etiledı ha`m ha`r bir toparg`a ma`lim tapsırma beriledı. Tapsırmanı birgelikte topardag`ılar u`yrenip talıqlaydı. Son`ıraq na`tiyjeni topardın` bir ag`zası ulıwma toparg`a jetkizedi. Topardag`ılar onın` mag`lıwmatın toltıradı, qosımsha qılıwı, tu`sinik beriwi mu`mkin.
Kishi toparlar menen ayırım temalardı u`yrengende yamasa bir temanın` tu`rli bo`limlerin u`yrengende de paydalanıladı.

Zigzak metodı (Ajurnaya pila)

Talabalar menen u`yreniletug`ın material 3-4 bo`limge ajıratıladı. Ha`r bir bo`lim topar ta`repinen aldın-ala bo`lek u`yreniledi ha`m keyin birgelikte talqılanadı. Bul isti to`mendegi ta`rtipte o`tkiziw mu`mkin. Topardag`ı talabalar aldın-ala 1, 2, 3, 4 dep sanap, keyin barlıq bir, eki, u`sh ha`m to`rt sanlı talabalardan taza topar du`ziledi. Materialdın` І bo`legi «bir» dep sanalatug`ın talabalarg`a, ІІ bo`legi «eki» dep sanalg`an talabalarg`a, ІІІ bo`legi «u`sh» dep sanalg`anlarg`a ha`m IV bo`legi «to`rt» dep sanalg`anlarg`a tapsırıladı. Barliq talabalar o`z bo`leklerin joqarıda bayan etilgen usıllardan paydalanıp bilip aladı. Son`ıraq talabalar o`zlerinin` aldın`g`ı orınlarına qaytadı. Na`tiyjede bir stol a`tirapında materialdın` barlıq bo`limlerin u`yrengen talabalar jıynaladı ha`m olar o`z-ara materialdı qanday o`zlestirgenligin ulıwma topar aldında ko`rsetip beredi.
Bunnan informatika ha`m xabar texnologiyaları pa`ninde ken` paydalanıw mumkin.