O`zbekstan respublikasi xaliq ta`lim wa`zirligi

Ma`seleni sheshiwdın` tiykarg`ı metodikası

1. 
   Oqıtıwdın` interaktiv metodikası
   

Ta`lim protsesinde talaba pikirlewge u`yrense g`ana onın` iyelegen pikirleri bekkem boladı ha`m a`melde qollaw imkaniyatı ju`zege keledi.
Pedagogik texnologiyada talabanin` kritikalıq oylaw ju`rgiziwi tiykarg`ı maqset esaplanadı. Ulıwma sana-sezim protsesinin`, atap aytqanda kritikalıq sana- sezimnin` rawajlanıwı ha`zirgi ku`nde talap etilmekte. Pikir ju`rigiziw ma`lim bir mashqalaw jag`dayda ju`zege keledi.
Mashqalanı sheshiw waqtında bas miyde teren` analiz, sintez, salıstırıw, uliwmalastırıw, abstraktsiya, qarar ha`m juwmaq shıg`arıw payda boladı.
Kritikalıq ko`z-qaras ha`r bir jag`daydın` a`hmiyetin tu`sınip alıp payda etiwde sa`wlelenedi. Taza pedagogik texnologiyada sabaqtın` barlıq bo`limlerinde arnawlı usıllardan paydalanıp kritikalıq ko`z-qarastı o`siriw, ta`lim protsesinde talabalardın` jedel islewi tiykarında bilim o`zlestirip alınıwı, talabalardın` qızıg`ıp islewi, sharshamashılıg`ı, o`z imkaniyatlarınan tolıq paydalanıwı talap etiledi. Talaba erkin o`z betinshe islese bilimdi puxta iyeleydı. Talabada ilimiy izleniw, o`z u`stinde do`retiwshilik jumıs islew sezimi qa`liplesip baradı.
Kritikalik oylawdı ju`rgiziwdin` ayrım interaktiv usuların ko`rip shıg`amrz.

Aqılıy hu`jimi

«Aqılıy hu`jimi» sotsiallıq turmısta, islep shıg`arıwda qollanıwlatug`ın is usılı esaplanadı. Onnan ta`lim protsesinde ken` paydalanıw mu`mkin. «Aqılıy hu`jimi» usılınan «shaqırıw» basqıshında, an`law ha`m pikirlew Đbasqıshlarında ha`m paydalanadı. «Aqılıy hu`jimii»de talqılaw ushın bir imashqalaw jag`day, taza tu`sinik, taza u`yrenilip atırg`an tema alınadı. Tan`lang`an salanı aydınlastırıw ushın qatnasiwshılardın` barlıg`ı o`z pikirin, usınısın bayan etedi. Barlıq aytılg`an informatsiya itibarg`a alınıp, keyin en` maqul dep tabılg`anı tan`lap alınadı.
«Aqılıy hu`jimi»in o`tkizgende topardın` barlıq qatnasıwshısı belsendi qatnasıwı kerek. Hesh qanday pikir sheklenbeydi ha`m kritikalanbaydı. Nadurıs bildirilgen pikir u`stinen ku`liw yamasa kritikalaw mu`mkin smes.
«Aqılıy hu`jimi»i topardın` barlıq ag`zaların, a`sirese, passiv, tartınshaq ag`zaların jedellestiriwi (aktivlestiriwi) menen paydalı.
«Aqılıy hu`jimi»in sho`lkemlestirgende ma`lim bir normag`a boysınıw kerek. Ju`da` ko`p qollaw onın` bahasına ziyan keltiredi. Temag`a baylanıslı tu`sıniklerdi bayanlag`anda, temanı juwmaqlag`anda paydalanıw mu`mkin. «Aqılıy hu`jimi»in o`tkizgende ma`lim bir mashqala yaki tu`sinik toparg`a ma`lim etiledi ha`m og`an tiyisli oy-pikir ha`m usınıslardı, bilimlerin bayan etiw usınıs etiledi. Bir adam pikirlerdi esapqa alıp baradı.
Ma`selen: «Talabanın` u`lgili oqıwı ushın ta`sir etiwshi faktorlar»g`a tallaw jasalsa: talabanın` jedelligi (aktivligi), bilim da`rejesi, qızıg`ıwı, ta`limnin` uyımlastırılıwı, texnik qurallardı qollanıwı, komp`yuter sawatxanlıg`ı, sabaqlıq ha`m qollanbalardan paydalanıw, ta`lim protsesinin` rejelestiriliwi, ta`lim mazmunının` anıq bolıwı, talabanın` qa`rejet penen ta`miyinleniwi, ta`rbiyalıq islerdin` jolg`a qoyılıwı ha`m tag`ı basqa pikirler bildiriliwi mu`mkin. Ken` ha`m tu`rli pikir bayan etiliwge erisiw paydalı.
Barlıq pikirler esapqa alınadı. Son`ıraq olardın` a`hmiyeti talıqlanadı.
Pikirlerdin` a`hmiyetine qarap ornın belgilew mu`mkin.
Ha`r bir informatika ha`m xabar texnologiyaları pa`ni oqıtıwshısı «Aqılıy hu`jimi» ushın usınıs etilgen temalardı anıqlawı kerek. «Aqılıy hu`jimi» kishi ha`m u`lken toparlarda o`tkeriliwi mu`mkin. «Aqılıy hu`jimi» topardı jedellestiredi, sabaqtı jan`landıradı. «Aqılıy hu`jimi» payıtında bayan etilgen pikir ha`m usınıslardı u`yreniw ha`m en` maqulın tan`lap alıwı za`ru`r.