O‘zmu xabarlari Вестник нууз acta nuuz

O‘zMU xabarlari Вестник НУУз ACTA NUUz
TARIX 
1/9 2022 
- 37 -
Shuningdek, 
mamlakatimizda 
xususiy 
uy-joy 
fondini 
boshqarish dunyoning boshqa mamlakatlardagi kabi «yagona 
oila» tamoyili asosida amalga oshiriladi. Uy-joy fondini 
boshqarish shakli mulkdorlar tomonidan tanlansa-da, ular 
yuqorida ko’rsatib o’tilgan shakllardan birini tanlashlari 
shartligi qonunchiligimizda mustahkamlangan.
Ko’p xonadonli uylardagi uy-joy mulkdorlari 
tomonidan boshqarilganda shu uydagi umumiy mol-mulkni 
saqlash yoki ta’mirlash ishlarini bajarish bo’yicha xizmat 
ko’rsatish shartnomalari uy-joy mulkdorlarining umumiy 
yig’ilishi qarori asosida tuziladi. Bunda uchinchi shaxslar 
bilan munosabatlarda uy-joy mulkdorlari nomidan ularning 
umumiy yig’ilishi tomonidan vakil qilingan mulkdorlardan 
biri yoki bir nechtasi ish ko’rishga haqlidir. XUJMSH tashkil 
etilgan ko’p xonadonli uyni boshqarish «Xususiy uy-joy 
mulkdorlarining 
shirkatlari 
to’g’risida»gi 
O’zbekiston 
Respublikasi Qonuniga muvofiq amalga oshirilsa, tashkil 
etilmagan uyni boshqarish boshqaruvchi (ijrochi direktor) yoki 
boshqaruvchi tashkilot tomonidan ko’p xonadonli uydagi uy-
joylar mulkdorlari umumiy yig’ilishining qarori asosida 
tuziladigan shartnomaga muvofiq amalga oshiriladi.
XUJMSH faoliyati samaradorligini oshirishning yana 
bir muhim yo’nalishi – bu ular faoliyatida axborot 
kommunikatsiya texnologiyalarining (AKT) keng joriy etish 
hisoblanadi. 
Boshqaruvda 
AKTdan 
foydalanish 
yoki 
axborotlashgan boshqaruv tizimini joriy etish nafaqat davlat 
boshqaruv tizimini, balki quyi tarmoq korxonalarining ham 
boshqaruv tizimini takomillashuviga olib keladi. Ayniqsa, 
bugungi kunda turli xizmat ko’rsatish tizimi korxonalarida 
zamonaviy AKT foydalanish natijasida ish sifati va 
unumdorligini ortib borayotganligi fikrimiz dalilidir.