O’zRes Pre. I. A. Karimov- vatan tarixini o’rganishning axamyati to’g’risida

88. Konstitutsiya va davlat ramzlari - mustaqillik asosi. O’zbekiston Respublikasining yangi Konstitutsiyasini ishlab chiqish g’oyasi Oliy Kengashning 1990-yil 20-iyunda bo’lib o’tgan ikkinchi sessiyasida ilgari surilgan. Sessiyada Prezident I.A.Karimov raisligida 64 kishidan iborat Konstitutsiya loyiliasini tayyorlash bo’yicha komissiya tuzish to’g’risida qaror qabul qilindi. Uning tarkibiga deputatlar, Qoraqalpog’iston Respublikasi va viloyatlarning vakillari, davlat hamda jamoat tashkilotlari, korxonalar, xo’jaliklarning rahbarlari, taniqli huquqshunoslar, olimlar va mutaxassislar kirdi. Konstitutsiyaviy komissiya tomonidan Konstitutsiyaning g’oyaviy mag’zi, ya'ni konsepsiyasi ustida ish boshlab yuborildi. Natijada, 1992-yil bahorida Konstitutsiya loyiliasining 149 ta moddadan iborat yangi varianti ishlab chiqildi va u 1992-yil 26-sentabrda umumxalq muhokamasi uchun matbuotda e'lon qilindi. Konstitutsiya loyiliasining umumxalq muhokamasi nihoyatda keng ko’lamli bo’lib, yuksak ijodiy ko’tarinkilik va ishchanlik kayfiyatida o’tdi. U jamiyatimizda chinakam demokratiya qaror topishining yorqin namoyishi bo’ldi. O’z ruhi va mazmuni jihatidan muhokama davlat va jamiyat hayotining o’ta muhim masalalari bo’yicha butun xalqning umumiy suhbatiga aylanib ketdi. Loyilianing qizg’in hamda manfaatli muhokamasi xalqimizning o’zi mustaqil O’zbekiston Asosiy Qonunining bevosita ijodkori bo’lganligini ko’rsatdi. Qariyb ukki oy davom etgan umumxalq muhokamasidan so’ng bildirilgan taklif va mulohazalar umumlashtirildi va loyilia ushbu taklif va mulohazalar asosida qayta tuzatilib, 1992-yil 21-noyabrda muhokamani davom ettirish uchun ikkinchi marotaba matbuotda e'lon qilindi. Konstitutsiya loyiliasining umumxalq muhokamasi O’zbekiston xalqining irodasini bevosita aniqlash, shuningdek, muhokama davomida to’plangan boy materiallarni har tomonlama chuqur o’rganish va umumlashtirish, uni davlatning mujassam Asosiy Qonuni sifatida ifodalash imkonini berdi. Asosiy Qomusimiz mustaqilligimizning mevasi, mahsuli sifatida dunyoga keldi. 1992-yil 8-dekabrda o’n ikkinchi chaqiriq O’zbekiston Respublikasi Oliy Kengashining to’qqizinchi sessiyasida 6 bo’lim, 26 bob, 128 moddadan iborat O’zbekiston Respublikasi Konstitutsiyasi qabul qilindi. Konstitutsiya qabul qilingan kun - 8-dekabr mamlakatimizda umumxalq bayrami sffatida dam olish kuni deb e'lon qilindi. O’zbekiston davlat mustaqilligiga erishgach, o’zining xalqaro talablar va me'yorlar doirasida qiyofasini ko’rsatmog’i, buning uchun esa o’zining butun imkoniyatlarini, o’ziga xos jihatlarini ifodalovchi davlat ramzlarga ega bo’lmog’i lozim edi. Odatda, ramzlar shunchaki ranglar yig’indisidan iborat bo’lgan shakllar emas, ular ayni ana shu davlatning va shu mamlakat fuqarolarining o’zligidan kelib chiqqan, qolaversa, davlat siyosatining mazmun mohiyatini o’zida mujassam etmog’i kerak. O’zbekiston Respublikasining Davlat bayrog’i to’g’risida, Davlat gerbining nusxasi va Davlat madhiyasining musiqiy bayoni haqida maxsus qarorlar qabul qilindi. Unda Konstitutsiya komissiyasining ekspert guruhiga Davlat bayrog’ining variantlari ustida ishlash, Oliy Kengashning tegishli qo’mitalariga Konstitutsiya komissiyasi ijodiy guruhi bilan hamkorlikda Davlat bayrog’i, Davlat madhiyasi haqida qonun loyilialarini ishlab chiqib, sessiyaga taqdim etish topshirildi. 1991-yil 18-noyabrda O’zbekiston Respublikasi Oliy Kengashining sakkizinchi sessiyasida «O’zbekiston Respublikasining davlat bayrog’i to’g’risida»gi Qonun qabul qilindi. 1992-yil 2-iyulda Oliy Kengashning o’ninchi sessiyasida «O’zbekistonRespublikasining Davlat gerbi to’g’risida»gi Qonun qabul qilindi. 1992-yil 10-dekabrda Oliy Kengashning o’n birinchi sessiyasida «O’zbekiston Respublikasining Davlat madhiyasi to’g’risida»gi Qonun qabul qilindi. Shunday qilib, qisqa fursat ichida O’zbekiston mustaqilligini belgilovchi asoslar yaratildi. Mustaqiltik - o’zbek xalqining olamshumul yutug'i. Mustaqillik qo’lga kiritilishining yutug’i nimalardan iborat? Mustaqillik tufayli biz nimaga ega bo’ldik? O’zbekiston Prezidentining 1994-yil 16-iyundagi Farmoniga muvofiq 1994-yilning 1-iyulidan boshlab O’zbekiston Respubhicasining milliy valyutasi - so’m muomalaga kiritildi. Mustaqillik tufayli o’zbek xalqi o’z taqdirini o’zi belgilash huquqiga ega bo’ldi, xalq davlat hokimiyatining birdan-bir sohibi, egasi, xo’jayini bo’lib qoldi. O’zbekiston mustaqilligi respublikada adolatli, demokratik, insonparvar jamiyat qurish uchun yo’l ochib berdi, o’z milliy davlatchiligini barpo qilishga imkoniyat yaratdi. Mustaqillik sharofati bilan O’zbekiston xalqaro miqyosda o’zini tanitish, ayni choqda xalqaro huquq me'yorlari asosida jahondagi barcha davlatlar bilan teng hamkorlik qilish imkoniyatini qo’lga kiritdi. Jahon xaritasida O’zbekiston yangi, yosh mustaqil davlat sifatida o’z o’rniga ega bo’ldi. Mustaqillik tufayli iqtisodiyotda tub o’zgarishlar qilish uchun imkoniyat yaratildi, ya'ni jahon amaliyoti isbotlagan bozor iqtisodiyotiga o’tish uchun sharoit vujudga keldi. Mulkka munosabat tubdan o’zgarib, jamiyatda yangi mulkdorlar sinfini shakllantirish uchun imkoniyatlar ochildi. Mustaqillik xalqning ma'naviy uyg’onishi uchun to’la irnkoniyat yaratdi. Yurt tarixi, qadimiy madaniyat tiklana boshladi. Xalqning azaliy urf-odatlari, ma'naviy qadriyatlari unga qaytarib berildi. Dinga munosabat mutlaqo ijobiy tomonga o’zgardi. Bular xalqimizning asrlar davomida intilgan va uni qo’lga kiritgan buyuk olamshumul yutuqlaridir. Shunday qilib, mustaqillik o’zbek xalqi tarixida tamoman yangi davrni boshlab berdi, milliy dunyoqarashda yangicha tafakkur shakilana bordi. Xalq yengil nafas olish imkoniyatiga ega bo’ldi. U endi kelajakka ishonch bilan qaray boshladi. O’z yurtining to’la xo’jayini ekanligini, o’z taqdirini o’zi belgilash imkoniyati qo’lga kiritganligini his qila boshladi.